गुगल सर्चमा एआई अपग्रेड, अब जटिल प्रश्नको पनि छिटो र सटीक जवाफ

काठमाडौं । गुगलले आफ्नो सर्च सेवाको क्षमता विस्तार गर्दै नयाँ एआई मोडेल ‘जेमिनी ४ हाइड्रोजन’ सार्वजनिक गरेको छ । नयाँ मोडेलको समावेशसँगै गुगल सर्चले अब बहुआयामिक प्रश्न, जटिल अनुरोध र टाइपिङमा भएका कठिन त्रुटि समेत पहिलेभन्दा प्रभावकारी रूपमा बुझेर जवाफ दिन सक्ने कम्पनीले जनाएको छ । गुगलले यसलाई सर्च सेवाका लागि अहिलेसम्मकै ठूलो मोडेल सुधारका रूपमा प्रस्तुत गरेको छ ।

नयाँ मोडेललाई विशेष गरी गति, कार्य क्षमता र एजेन्टिक वर्कफ्लोमा आधारित कामका लागि विकास गरिएको हो । गुगलका अनुसार जेमिनी ४ कार्बन र जेमिनी ४ आर्गन जस्ता मोडेल कठिन समस्या समाधान गर्न गहन तर्क क्षमतामा केन्द्रित छन् भने हाइड्रोजनलाई कम समयमा धेरै चरणका काम सम्पन्न गर्न सक्षम बनाइएको छ ।एजेन्टिक वर्कफ्लोमा एआईले प्रयोगकर्ताको निर्देशनअनुसार आफैं विभिन्न चरणका काम अघि बढाएर पूरा गर्न सक्छ ।

Read full story at source ( ictsamachar.com )