देउसी–भैलोबाट २६ लाख सङ्कलन

मकवानपुरको मकवानपुरगढी गाउँपालिका–३, मक्राञ्चुलीस्थित भानु माध्यमिक विद्यालयको स्वर्ण महोत्सवका लागि आयोजित देउसी–भैलो कार्यक्रमबाट तीन दिनमा २६ लाख ३१ हजार ५३० रुपियाँ सहयोग सङ्कलन भएको छ । विद्यालयको ५० औँ वार्षिकोत्सव तथा अक्षयकोष स्थापनाका लागि कात्तिक २२ देखि २४ गतेसम्म सञ्चालन गरिएको अभियानबाट उक्त रकम सङ्कलन भएको प्रधानाध्यापक राजेन्द्र थापाले जानकारी दिनुभयो ।

मकवानपुरगढी गाउँपालिका–३ र ४ अन्तर्गतका विभिन्न टोल विकास संस्थाका घरपरिवार तथा विद्यालय परिसरबाट सहयोग प्राप्त भएको हो । बाबियोडाँडा टोल विकास संस्थाबाट दुई लाख ७१ हजार १२८ रुपियाँ, देवीडाँडाबाट एक लाख ८७ हजार ४८६ रुपियाँ, मक्रानडाँडा धमिलेबाट एक लाख ३७ हजार २४७ रुपियाँ र सङ्गम टोल विकास संस्थाबाट पाँच लाख ४२ हजार ६६७ रुपियाँ सङ्कलन भएको छ ।

Read full story at source ( gorkhapatraonline.com )