ओभरस्पिड नियन्त्रण, बढी भाडासम्बन्धी अनुगमन, नियमानुसार ओभरटेक, लेन अनुशासनको पालना र जेब्राक्रसको सही प्रयोग भए/नभएको निगरानी बढाइएको जिल्ला ट्राफिक प्रहरी कार्यालय गोरखाका प्रमुख एकनारायण खनालले बताए ।
गोरखा — जिल्ला ट्राफिक प्रहरी कार्यालय गोरखाले तिहार र छठ पर्वलाई लक्षित गरेर तीव्र गतिमा चल्ने सवारीसाधनको निगरानी बढाएको छ । ट्राफिक प्रहरी कार्यालय र मातहतका पोस्टहरूबाट विशेष अभियान सुरु गरिएको हो ।
ओभरस्पिड नियन्त्रण, बढी भाडासम्बन्धी अनुगमन, नियमानुसार ओभरटेक, लेन अनुशासनको पालना र जेब्राक्रसको सही प्रयोग भए/नभएको निगरानी बढाइएको जिल्ला ट्राफिक प्रहरी कार्यालय गोरखाका प्रमुख एकनारायण खनालले बताए ।
मादक पदार्थ तथा लागू पदार्थ सेवन गरेर सवारी चलाउनेमाथि पनि निगरानी बढाइएको उनले बताए । सडकमा सवारी चालकलाई सवारी नियमसम्बन्धी सचेतना पनि दिइएको उनले बताए ।
चालक, यात्रु तथा सडक प्रयोगकर्तालाई जाँच तथा सचेतना दिइएको ट्राफिक प्रहरीले जनाएको छ ।
हरिराम उप्रेती कान्तिपुरका गोरखा संवाददाता हुन् ।
_RMIne83QVZ.jpg)
