विराटनगरमा १७ सय पर्ने काजु जोगबनीमा १५ सयमै, तिहारको सपिङ भारततिरै

स्थानीय शहरभन्दा भारतीय सीमावर्ती बजारमा भाइ मसला सस्तो पाइने भएपछि उपभोक्ताहरू ठूलो सङ्ख्यामा त्यता गइरहेका छन्।

काठमाडौँ — तिहारको लागि बजारमा भाइ मसलाको किनमेल सुरु भइसकेको छ । भाइटीकाको दिन दाजुभाइलाई उपहारमा भाइमसला दिनु अनिवार्यजस्तै भएकोले किनमेल पनि बढेको हो । तर विराटनगरलगायतका शहरहरूमा भन्दा सीमावर्ती भारतीय बजारमा यस्तो मसलाको मूल्य सस्तो पर्ने हुनाले उपभोक्ताहरू ठूलो सङ्ख्यामा किनमेलका लागि जाने गरेका छन् ।