जनकपुरमाथि विराटनगरको सनसनिपूर्ण जित, रसेलको ४ विकेट

काठमाडौं । नेपाल प्रिमियर लिग (एनपीएल) अन्तर्गत विराटनगर किंग्सले जनकपुर बोल्ट्सलाई २ रनले पराजित गरेको छ । विराटनगरले दिएको १ सय ७५ रनको लक्ष्य पछ्याएको जनकपुरले निर्धारित २० ओभरमा ७ विकेट गुमाएर १ सय ७२ रन मात्र बनाउन सक्यो ।

जनकपुरका लागि सैफ हसनले सर्वाधिक ७१ रन बनाए । उनले ४८ बलमा २ चौका र ५ छक्का प्रहार गरे । विशाल सुशलिङले ३० बलमा २ चौका र ३ छक्कासहित ४३ रन बनाए । जेम्स निसमले १५ बलमा ३ छक्काको मद्दतमा २७ रन जोडे ।

Read full story at source ( rajdhanidaily.com )