बागमती प्रदेशका मुख्यमन्त्री किरण थापामगरले अमूल्य निधिहरूको संरक्षण र नयाँ पुस्तामा हस्तान्तरणका लागि प्रदेश सरकार प्रतिबद्ध रहेको बताए ।
हेटौंडा — बागमती प्रदेशका मुख्यमन्त्री किरण थापामगरले देशको पहिचानका रुपमा रहेका धर्म, कला, संस्कार, संस्कृति र परम्पराको संरक्षण, संवर्द्धन तथा पुस्तान्तरणका लागि प्रदेश सरकारले उचित नीति तथा कार्यक्रम सञ्चालन गर्ने प्रतिबद्धता व्यक्त गरेका छन् ।
विजयादशमी (मोहनी नखः) को अवसरमा लायन्स क्लब अफ नखेल र नखेल सांस्कृतिक परिवारद्वारा आयोजित ‘नखेल सांस्कृतिक बाजा नाच २०८३’ कार्यक्रममा उनले यस्तो धारणा व्यक्त गरेका हुन् ।
कार्यक्रमलाई सम्बोधन गर्दै मुख्यमन्त्री थापाले भने , ‘मौलिक संस्कृति र परम्पराको जीवन्तता नै आजको आवश्यकता र देशको पहिचान हो। हाम्रा अमूल्य निधिहरूको संरक्षण र नयाँ पुस्तामा हस्तान्तरणका लागि बागमती प्रदेश सरकार प्रतिबद्ध छ ।’ उनले कला–संस्कृतिको जगेर्नाका लागि सामूहिक प्रयास आवश्यक रहेको बताउँदै कार्यक्रम आयोजकहरूलाई धन्यवाद समेत दिए।
यस्ता सांस्कृतिक कार्यक्रमले नेपाली मौलिक परम्परा, कला, संस्कृतिको प्रवर्द्धन गर्नुका साथै सामाजिक एकता र आपसी सद्भाव अभिवृद्धिमा महत्त्वपूर्ण योगदान पुर्याउने विश्वास उनले व्यक्त गरे।
प्रताप विष्ट कान्तिपुरको हेटौडा संवाददाता हुन् । उनी स्थानिय राजनीतिक र सामाजिक मुद्धाबारे रिपोर्टिङ/टिप्पणी लेख्छन् ।
