रवि–बालेन भेटबारे ठाकुर गैरेको जिज्ञासा– पुरानो खिल निकाल्छ कि नयाँ खिल थप्यो ?

१२ कात्तिक, काठमाडौं । नेकपा एमालेका नेता ठाकुर गैरेले प्रधानमन्त्री बालेन शाह र रास्वपा सभापति रवि लामिछानेबीच भएको भेटवार्ताबारे कटाक्ष गरेका छन् ।

सभापति लामिछानेकै शब्द सापटी लिएर गैरेले सामाजिक सञ्जाल मार्फत जिज्ञासा राखेका छन् ।

‘करिब दुई महिनापछि रास्वपा सभापति र प्रधानमन्त्रीबीच भएको चार घण्टा लामा अति गोप्य छलफलले पुरानो खिल निकाल्ने भयो कि घाउमा नयाँ खिल थप्ने भयो,’ गैरेले लेखेका छन् ।

नयाँ वर्ष–०८३ को शुभकामना दिदै लामिछानेले ‘खिल निकाल्ने वर्ष’ भनेका थिए ।