लक्ष्मी सनराइज बैंकको लाभांश घोषणा

१२ कात्तिक, काठमाडौं । लक्ष्मी सनराइज बैंकले सेयरधनीका लागि लाभांश घोषणा गरेको बैंकको सञ्चालक समिति बैठकले सेयरधनीका लागि गत आर्थिक वर्षसम्मको सञ्चित नाफाबाट ५ प्रतिशत सेयर बोनस घोषणा गरेको हो ।

आफूसँग कायम रहेको सेयर संख्याको ५ प्रतिशत थप सेयर लगानीकर्ताले पाउने छन् । साथै सो बोनस सेयरको कर प्रयोजनका लागि आवशयक ०.२६ प्रतिशत नगद लाभांश बैंकले छुट्याउने छ ।

कुल ५.२६ प्रतिशत लाभांश घोषणा भएको हो । यो लाभांश आगामी साधारणसभाबाट स्वीकृत भएपछि वितरण हुने बैंकले जनाएको छ ।