साउन–असोजमा ६ खर्ब ४६ अर्बको आयात भएको छ भने १ खर्ब १४ अर्बको निर्यात भएकाे छ ।
काठमाडौँ — चालु आर्थिक वर्षको पहिलो त्रैमास(साउनदेखि असोजसम्म)मा मुलुकको वैदेशिक व्यापार ५ खर्ब ३२ अर्बले घाटा छ । उक्त अवधिमा भएको निर्यातभन्दा आयात धेरै निकै धेरै भएपछि तीन महिनामा व्यापार घाटा ५ खर्ब ३२ अर्बभन्दा बढी पुगेको हो ।
गत आर्थिक वर्षको पहिलो त्रैमासको तुलनामा यस वर्षको त्यहि अवधिमा यस्तो घाटा करिब ३५ प्रतिशतले बढेको हो । गत वर्षको पहिलो त्रैमासमा कुल व्यापार घाटा ३ खर्ब ९५ अर्ब रहेको थियो ।
भन्सार विभागले बुधबार सार्वजनिक गरेको तथ्यांकअनुसार चालु आर्थिक वर्ष २०८३/८४ को पहिलो तीन महिनामा नेपालको वैदेशिक व्यापारमा आयात र निर्यात दुवै बढेका छन् । तर निर्यातको तुलनामा आयातको आकार ठूलो हुँदा व्यापार घाटा पनि उच्च दरले बढेको हो ।
साउनदेखि असोजसम्म ६ खर्ब ४६ अर्ब ७८ करोड रुपैयाँको वस्तु आयात भएको छ । यस अवधिमा निर्यात भने १ खर्ब १४ अर्ब २८ करोड रुपैयाँमा सीमित छ । गत वर्षको तीन महिनाको तुलनामा यस वर्ष आयात ३८ र निर्यात ५७ प्रतिशतले बढी हो ।
गत आर्थिक वर्ष २०८२/८३ को सोही अवधिमा ४ खर्ब ६८ अर्ब ८ करोड रुपैयाँको आयात र ७२ अर्ब ७८ करोड रुपैयाँको निर्यात भएको थियो ।
आयात र निर्यातबीचको अन्तर बढ्दा तीन महिनामा व्यापार घाटा ५ खर्ब ३२ अर्ब ४९ करोड रुपैयाँ पुगेको हो ।
यज्ञ बञ्जाडे कान्तिपुर मिडिया ग्रुपका आर्थिक ब्युरो प्रमुख हुन् । उनी आर्थिक विषयमा समाचार/टिप्पणी लेख्छन् ।
(175).png)
.jpg)