एनपीएल खेल्न नेपाल आएका सकिबको प्रतिबन्धित बेटिङको प्रचार

काठमाडौँ । नेपाल प्रिमियर लिग (एनपीएल) खेल्न नेपाल आएका बङ्गलादेशका चर्चित क्रिकेटर सकिब अल हसनले अनलाइन सट्टेबाजीसम्बन्धी प्रचार सामग्री सामाजिक सञ्जालमा राखेका छन् । उनले आफ्नो फेसबुकमा ‘वान एक्स बेट’को प्रचार गर्दै प्रयोगकर्तालाई सट्टेबाजीमा सहभागी हुन र नयाँ खाता खोल्न आग्रह गरेका छन् ।

सकिबले फेसबुकमा राखेको पोस्टमा ‘एनपीएल २०२६ सुरु भयो’ भन्दै ‘वान एक्स बेट’मार्फत नेपाल प्रिमियर लिगमा बाजी लगाउन र प्रत्येक सोमबार १५ प्रतिशतसम्मको साप्ताहिक क्यासब्याक पाउन सकिने उल्लेख गरेका छन् । साथै, नयाँ प्रयोगकर्तालाई आफ्नो ‘रेफरल कोड’ प्रयोग गरेर खाता खोल्न र ‘टेक पार्ट’ विकल्पमा सहभागी हुन आग्रह गरेका छन् । उनले यससम्बन्धी भिडियोसमेत पोस्ट गरेका छन् ।

Read full story at source ( ratopati.com )