धनकुटाको साँगुरीगढी गाउँपालिका ६ मुक्तेनमा बर्कोमा आगो सल्किएर जलेकी ९२ वर्षीया वृद्धाको मृत्यु भएको छ।
धनकुटा — धनकुटाको साँगुरीगढी गाउँपालिका ६ मुक्तेनमा बर्कोमा आगो सल्किएर जलेकी ९२ वर्षीया वृद्धाको मृत्यु भएको छ।
जिल्ला प्रहरी कार्यालय धनकुटाका अनुसार स्थानीय पबि माया मगरको आफ्नै घरको आँगनमा रहेको चुल्होमा खोले पकाएर आगो ताप्ने क्रममा शरीरमा ओढेको बर्कोमा सल्किएको आगोले वृद्धाको मृत्यु भएको जिल्ला प्रहरी कार्यालय धनकुटाका निरीक्षक पाण्डवराजवंशीले जानकारी दिए ।
सोमबार साँझ करिब ५ बजे भएको घटनामा उनको कम्मरमुनिको भाग जलेको थियो । घटनाबारे मंगलबार बिहान करिब ६:३० बजे इलाका प्रहरी कार्यालय भेडेटारमा जानकारी प्राप्त भएपछि प्रहरी टोली घटनास्थल पुगेको थियो ।
प्रहरीले आवश्यक कानुनी प्रक्रिया पूरा गरी मृतकको शव पोस्टमार्टमका लागि धरानस्थित बीपी कोइराला स्वास्थ्य विज्ञान प्रतिष्ठान पठाएको जनाएको छ।
विनोद घिमिरे कान्तिपुर संवाददाता हुन्।
.png)
