Statistics will appear after play begins.
Statistics will appear after play begins.
आजदेखि सुरु हुने नेपाल प्रिमियर लिग (एनपीएल) को तेस्रो संस्करणलाई लक्षित गर्दै अनलाइनखबर डटकमले बलबाई बल अपडेट, लाइभ कमेन्ट्री, लाइभ स्कोरकार्ड र खेल विश्लेषणसहितको विशेष कभरेज सुरु गरेको छ ।
९ कात्तिक, काठमाडौं । प्रधानमन्त्री बालेन शाहले नेपाल प्रिमियर लिग (एनपीएल) सुरु हुन लागेको अवसरमा नेपाली क्रिकेटलाई शुभकामना दिएका छन्। उनले एनपीएल केही वर्षमै नेपालको ठूलो खेलकुद उत्सवका रूपमा विकसित भएको उल्लेख गर्दै प्रतियोगितामा सहभागी हुने अन्तर्राष्ट्रिय खेलाडी, कमेन्टेटर, नेपाली…
८ कात्तिक, काठमाडौं । कर्णाली याक्सले शुभ कंसकारको स्थानमा शिवम तिवारीलाई टिममा भित्र्याएको छ । आगामी नेपाल प्रिमियर लिग (एनपीएल) तेस्रो संस्करणक लागि कर्णालीमा अनुबन्ध भएका ब्याटर शुभको हातमा चोट लागेपछि शिवमलाई परिवर्तन गरिएको कर्णाली याक्सले जनाएको छ । शिवमले…
८ कात्तिक, काठमाडौं । अस्ट्रेलियाका बायाँहाते ब्याटर साम हिजलेटले नेपाल प्रिमियर लिग (एनपीएल) को तेस्रो संस्करणमा काठमान्डु गोर्खाजबाट खेल्ने भएका छन्। हिजलेटले गत संस्करणमा विराटनगर किङ्सबाट खेलेका थिए। यसपटक उनी टोली परिवर्तन गर्दै काठमान्डुमा आबद्ध भएका हुन्। हिजलेटले अस्ट्रेलियाको घरेलु…
८ कात्तिक, काठमाडौं । वेस्ट इन्डिजका अलराउन्डर फेबियन एलेनले नेपाल प्रिमियर लिग (एनपीएल) को तेस्रो संस्करणमा सुदूरपश्चिम रोयल्सबाट खेल्ने भएका छन्। ३१ वर्षीय एलेन दायाँहाते ब्याटर र बायाँहाते स्पिनर हुन्। तल्लो क्रममा आक्रामक ब्याटिङ गर्न सक्ने उनी टी–२० क्रिकेटका अनुभवी…
हिमालय स्पोर्ट्सबाट प्रसारण हुने कार्यक्रम ‘रेड बुल क्रिकेट लाइभ’ का प्रस्तोता नवनीत कृष्ण नेपाल आइपुगेका छन् ।
७ कात्तिक, काठमाडौं । कतारमा नोभेम्बर १९ देखि २९ सम्म हुने राइजिङ स्टार्स एसिया कपमा नेपाल भारत ‘ए’, पाकिस्तान ‘ए’ र यूएईसँगै समूह ‘बी’ मा परेको छ। समूह ‘ए’ मा बंगलादेश ‘ए’, श्रीलंका ‘ए’, अफगानिस्तान ‘ए’ र हङकङ छन्। प्रतियोगितामा…
७ कात्तिक, काठमाडौं । इन्डियन प्रिमियर लिग (आईपीएल) को पाँच पटकको विजेता मुम्बई इन्डियन्सले कायरोन पोलार्डलाई मुख्य प्रशिक्षक नियुक्त गरेको छ। सन् २०२७ को आईपीएलअघि पोलार्डले महेला जयवर्धनेको स्थान लिने भएका हुन्। मुम्बईसँग सन् २०१० देखि आबद्ध पोलार्ड पछिल्ला चार…
७ कात्तिक, काठमाडौं । कर्णाली याक्स स्पोर्ट्स प्रालिका अध्यक्ष गृहेन्द्र घिमिरेले विश्व चर्चित क्रिकेटर डेविड मिलरको आगमनसँगै नेपालको पर्यटन प्रवर्द्धनमा सहयोग पुग्ने विश्वास व्यक्त गरेका छन् । शुक्रबार कर्णालीले दक्षिण अफ्रिकाका चर्चित क्रिकेटर डेभिड मिलरलाई आगामी तेस्रो नेपाल प्रिमियर लिग…
काठमाडौं । वेस्ट इन्डिजका आक्रामक ब्याटर शेरफन रदरफोर्डले नेपाल प्रिमियर लिग (एनपीएल) को तेस्रो संस्करणमा सुदूरपश्चिम रोयल्सबाट खेल्ने भएका छन्। २८ वर्षीय बायाँहाते ब्याटर र मध्यम गतिका बलर रदरफोर्ड छोटो प्रारूपका आक्रामक खेलाडीका रूपमा परिचित छन्। उनी मध्यक्रममा ब्याटिङ गर्दै…
७ कात्तिक, काठमाडौं । पाकिस्तानी पेस बलर हुनेन शाहले नेपाल प्रिमियर लिग (एनपीएल) को तेस्रो संस्करणमा जनकपुर बोल्ट्सबाट खेल्ने भएका छन्। २२ वर्षीय दायाँहाते बलर हुनेन पाकिस्तानका तीव्र गतिका बलर नसीम शाहका भाइ हुन्। जनकपुरले उनलाई टोलीमा अनुबन्ध गरेको जनाएको…
पोखरा मात्र यस्तो टिम हो जो अहिलेसम्म प्लेअफ पुग्न सकेको छैन र अब पोखराको पहिलो लक्ष्य नै एनपीएलमा प्लेअफमा स्थान बनाउने र त्यसपछि उपाधितर्फको यात्रा तय गर्ने हुनेछ ।
Sudurpaschim Royals 2026 NPL- Nepal Premier League 2026
सुदूरपश्चिम रोयल्स नेपाल प्रिमियर लिग (एनपीएल) मा लगातार दुई सिजन उपविजेता बन्यो । दुवै सिजन सुदूरपश्चिम उपाधिका लागि दाबेदार टोलीको रुपमा देखिएको थियो । मैदानमा प्रदर्शन पनि उस्तै थियो ।
दुवै संस्करणमा सुदूरपश्चिमले लिग चरणमा ७ मध्ये ६ खेल जितेर शीर्ष स्थानमा रहँदै लिग सकायो । पहिलो क्वालिफायर जित्दै फाइनल पनि पुग्यो । तर फाइनलमा भने अझै जित हात पार्न सकेन । पहिलो संस्करणमा जनकपुर बोल्ट्सँग पराजित भएको सुदूरपश्चिम दोस्रो संस्करणमा भने लुम्बिनी लायन्सलाई पराजित हुँदै उपविजेतामा सिमित रह्यो ।
नेपालका स्टार अलराउण्डर दीपेन्द्रसिंह ऐरीको कप्तानीमा रहेको सुदूरपश्चिमले नेपालका अनुभवी खेलाडीहरू देखि चर्चित विदेशी खेलाडीहरू अनुबन्ध गर्दा पनि ट्रफी उचाल्ने लक्ष्य पूरा गर्न सकेको छैन ।
के तेस्रो प्रयासमा सुदूरपश्चिमले एनपीएलको उपाधि जित्ला ? यस पटक सुदूरको यो टोली भाग्यमानी होला ?
एनपीएलमा सबैभन्दा धेरै फ्यान फलोइङ भएको टोली सुदूरपश्चिम नै हो । दर्शकको उल्लेख्य समर्थन अनि घरेलु अनुभवी खेलाडीहरू पनि यस टिममा छन् ।
तेस्रो संस्करण नजिकँदै जाँदा सुदूरपश्चिमले एनपीएलको लागि तयारी पनि तीव्र बनाएको छ । यस्तै विदेशी खेलाडीहरू अनुबन्ध गर्ने क्रम पनि जारी छ ।
सुदूरपश्चिमले हाल भारतको लखनउमा प्रशिक्षण गरिरहेको छ । नेपालका अनुभवी र सफल प्रशिक्षक जगत टमाटा लगायत कोचिङ स्टाफले टोलीलाई प्रशिक्षण गराइरहेका छन् ।
सुदूरपश्चिमले तेस्रो सिजनका लागि अहिलेसम्म ३ विदेशी खेलाडी अनुबन्ध गरिसकेको छ र विदेशी मुख्य प्रशिक्षक अनुबन्ध गरेको छ । पाकिस्तानका लेजेन्ड मिसबाह उल हक सुदूरपश्चिमको प्रशिक्षक बनेका छन् ।
सुदूरपश्चिमले तेस्रो सिजनअघि अक्सनमा कोर टिमलाई रिटेन गर्दै आफ्ना खेलाडीहरूमा विश्वास देखाएको छ । कप्तान दीपेन्द्रसहित अनुभवी खेलाडीहरू विनोद भण्डारी, आरिफ शेख, इशान पान्डे, हेमन्त धामी, अभिनाश बोहरा र हिक्मत महरालाई सुदूरपश्चिमले रिटेन गरेको थियो ।
हिक्मत महरा पहिलो सिजन ट्यालेन्ट हन्टमार्फत आइकोनिक प्लेअरको रुपमा सुदूरको टिममा समावेश भएका थिए । मिडियम पेसर हिक्मतले दोस्रो सिजनमा डेब्यू पनि गरे ।
बाँकी ६ खेलाडीले राष्ट्रिय टिममा खेलिसकेका छन् जस मध्ये कप्तान दीपेन्द्र र इशान हाल राष्ट्रिय टिममा छन् । आरिफ केही समयअघि २०औं एसियन गेम्स खेल्ने टोलीमा थिए । हेमन्तले पनि केही समयअघि ओडीआई टिमबाट खेलिसकेका छन् ।
यस बाहेक सुदूरपश्चिमले अक्सनमा पनि आफ्नै खेलाडीहरूमा विश्वास देखायो । दोस्रो सिजन टिममा रहेका तर रिटेन गर्न नसकेका खेलाडीहरूलाई पनि सुदूरपश्चिमले टिममा राखेको छ ।
अक्सनअघि रिलिज गरेको दीपक बोहरा, मिलन बोहरा र टेक रावतलाई सुदूरपश्चिमले अक्सनमा फेरि अनुबन्ध गरेको छ । यस्तै सुदूरपश्चिमले अनिल खरेल, सचिन भट्ट र आयुव चन्दलाई पनि अक्सनमा अनुबन्ध गरेको थियो ।
सुदूरपश्चिमले ट्यालेन्ट हन्टमार्फत टेक राज थलाललाई आइकोनिक प्लेअरको रूपमा छनोट गरिसकेको छ । यस टिमका अधिकांश खेलाडी सुदूरपश्चिम क्षेत्रकै छन् र आफ्नो क्षेत्रको खेलाडीहरूलाई बढी अवसर समेत दिएको छ ।
एनपीएलको दोस्रो सिजन सुदूरपश्चिममा अष्ट्रेलिया चर्चित खेलाडी क्रिस लिनदेखि एसोसिएटका उत्कृष्ट खेलाडी हर्मीत सिंह थिए ।
यस पटक सुदूरपश्चिमले तीन विदेशी खेलाडी घोषणा गरिसकेपनि बाँकी विदेशी खेलाडी कस्ता आउँछन् घोषणा हुन बाँकी छ ।
अहिलेसम्म भने सुदूरपश्चिमले न्युजिल्यान्डका स्कट कुगेलेइन, स्कटल्यान्डका ब्रान्डन म्याकमुलेन र इंग्लयान्डका सैफ जैबलाई अनुबन्ध गरेको छ ।
कुगेलेइन लगातार तेस्रो पटक सुदूरपश्चिमबाट खेल्दैछन् भने पहिलो संस्करणमा उत्कृष्ट खेलाडी बनेका सैफ जैब तेस्रो सिजन सुदूरपश्चिममा फर्किएका छन् । दोस्रो सिजन उनले चितवन राइनोजबाट खेलेका थिए ।
यस्तै स्कटिस ब्याटिङ अलराउण्डर ब्रान्डन म्याकमुलेन पनि सुदूरपश्चिमको टिममा फर्किएका छन् ।
सुरुवाती दुई सिजन सुदूरपश्चिमबाट खेलेका अमेरिकन स्पीन अलराउण्डर हर्मीत सिंह भने यस पटक जनकपुर बोल्ट्समा अनुबन्ध भइसकेका छन् र हर्मीतले जनकपुरको कप्तानी गर्ने पनि पक्का भइसकेको छ ।
स्कट कुगेलेइनको निरन्तरता अनी म्याकमुलेन र जैबको आगमनले सुदूरपश्चिमको ब्याटिङ र बलिङमा सन्तुलन भने मिलेको छ ।
जैब र म्याकमुलेन टप अर्डरमा ब्याटिङ गर्न सक्षम छन् आवश्यकता अनुसार मिडल अर्डरमा पनि खेल्न सक्छन् ।
यस्तै विनोद भण्डारीले पनि ओपनिङ गर्छन् भने मिडल अर्डरमा नेपाली खेलाडीहरू इशान पान्डे र आरिफ शेख पनि हुनेछन् । कप्तान दीपेन्द्र आवश्यकता अनुसार मिडल अर्डरदेखि फिनिसरसम्म खेल्न सक्छन् । हर्मीत सिंहको बहिर्गमनपछि सुदूरपश्चिमलाई फिनिसिङ गर्न सक्ने अलराउण्डर आवश्यक देखिन्छ । यस्तै पेस बलिङमा कुगेलेइनसँगै नेपालका अभिनाश र हेमन्त धामी हुनेछन् ।
स्पीनमा भने सुदूरपश्चिमले विदेशी खेलाडीको विकल्प पनि हेर्नुपर्नेछ । यसअघि कप्तान दीपेन्द्रसँगै हर्मीत सिंह र नरेन साउद स्पीनमा थिए । नरेन साउदलाई सुदूरपश्चिमले रिलिज गरिसकेको छ । अक्सनबाट सुदूरपश्चिमले स्पीनर अनिल खरेललाई अनुबन्ध गरेको छ ।
हर्मीतको स्थान पूरा गर्न सुदूरपश्चिमले अर्का विदेशी स्पीनर अनुबन्ध गर्नुपर्ने देखिन्छ ।
रिटेन गरिएका खेलाडी : दीपेन्द्रसिंह ऐरी, विनोद भण्डारी, आरिफ शेख, इशान पाण्डे, हेमन्त धामी अविनाश बोहरा, हिक्मत महरा अक्सनबाट अनुबन्ध भएका खेलाडी : दीपक बोहरा, मिलन बोहरा, टेक रावत, अनिल खरेल, सचिन भट्ट, आयुव चन्द विदेशी खेलाडी : सैफ जैब, स्कट कुगेलेइन, ब्रान्डन म्याकमुलेन, मुख्य प्रशिक्षक : मिसबाह उल हक
