जिल्ला प्रशासन कार्यालय, हुम्लाको फेसलेस सेवा सुरु

जिल्ला प्रशासन कार्यालय, हुम्लाले चार प्रकारका सेवा विद्युतीय मुहाररहित (फेसलेस) माध्यमबाट प्रदान गर्न सुरु गरेको छ । कार्यालयले जिल्लाका सात वटै गाउँपालिकालाई सोको जानकारी गराउँदै आफ्नो सेवाग्राहीलाई सो माध्यमबाट सेवा लिने व्यवस्थाका लागि आग्रह समेत गरेको हो ।

प्रमुख जिल्ला अधिकारी भोलानाथ गुरागाईले कार्यालयले आफ्ना सेवा विद्युतीय तथा प्रविधिमैत्री ( फेसलेस ) माध्यमबाट प्रवाह गर्न सुरु गरेको बताउनुभयो । प्रजिअ गुरागाईका अनुसार यसरी कार्यालयले प्रदान गर्ने चार किसिमका सेवामा दलित, जनजाति तथा खस आर्य प्रमाणित गर्ने सिफारिस, थर प्रमाणित गर्ने सिफारिस, फैसला, निर्णयको प्रमाणित प्रतिलिपि ( सम्वन्धित ब्यक्ति वा कानून बमोजिम आधिकारिक हकवालालाई मात्र) र परम्परागत रुपमा सञ्चालन हुने धार्मिक तथा साँस्कृतिपर्व, जात्रा, उत्सव, मेला सञ्चालन अनुमति तथा शान्ति सुरक्षा प्रदान गर्ने सम्बन्धी सेवा रहेका छन् ।

स्रोतमा पूरा पढ्नुहोस् ( gorkhapatraonline.com )