आजदेखि नेपाल प्रिमियर लिग (एनपीएल) को तेस्रो संस्करण सुरु हुँदै छ । ८ फ्रेन्चाइज टोली सहभागी यो सिजनमा १ अर्ब ५० करोड रुपैयाँ बराबरको वित्तीय कारोबार हुने अनुमान गरिएको छ । डेभिड वार्नर (अस्ट्रेलिया), आन्द्रे रसेल (वेस्ट इन्डिज) र शाकिब अल हसन (बंगलादेश) जस्ता चर्चित विदेशी खेलाडीको सहभागिताले यो सिजनलाई थप रोचक बनाउने अपेक्षा गरिएको छ । एनपीएलसँग सम्बन्धित अपडेटका निम्ति इकान्तिपुरको लाइभ अपडेट पछ्याउनुहोस् ।
१ अर्ब ५० करोड रुपैयाँ बराबरको वित्तीय कारोबार हुने एनपीएलको तेस्रो संस्करण सुरु हुँदैछ । यो सिजनका सम्पूर्ण अपडेटका निम्ति हाम्रा खेल संवाददाताहरू कीर्तिपुरस्थित क्रिकेट मैदानमा छन् ।
खेल अपडेटका अलावा फ्यानहरूको रुचि अनि यसले पारिरहेको आर्थिक–सामाजिक प्रभावका बारेमा पनि हामी निरन्तर अपडेट गराउनेछौँ । कान्तिपुर मिडिया ग्रुपका खेल ब्युरो प्रमुख पाण्डे, खेल पत्रकार हिमेश बज्राचार्य, फोटो पत्रकार हेमन्त श्रेष्ठ र अंगद ढकाल, डेस्क एडिटरहरू कञ्चन अधिकारी र ध्रुव तुलाधर निरन्तर अपडेटमा रहनुहुनेछ ।
प्रहरी परिसर काठमाडौंका प्रवक्ता दानबहादुर थापाले एनपीएलको तेस्रो संस्करणको सुरक्षार्थ एक सयभन्दा बढी सादा पोशाकका सुरक्षाकर्मी परिचालन गरिएको बताएका छन् ।
आजदेखि सुरु भएको एनपीएलमा विभिन्न सेक्टरमा कमान्ड पोस्ट स्थापना गरिनुका साथै खोज, उद्धार र निकासी (सर्च, रेस्क्यु एन्ड इभ्याकुएसन)का लागि २४ वटा सेक्टर पहिचान गरिएको छ । सुरक्षाका लागि १२ सयभन्दा बढी सुरक्षाकर्मी एनपीएल सुरक्षामा खटिने उनको भनाइ छ । यसबाहेक एक सयभन्दा बढी सादा पोसाकमा सुरक्षाकर्मी परिचालन हुनेछन् । -किरण पौडेल
लुम्बिनी लायन्स र सुदूरपश्चिम रोयल्सबीच पहिलो खेल हुनेछ । लुम्बिनीको नेतृत्व रोहित पौडेल र सुदूरपश्चिमको नेतृत्व दीपेन्द्रसिंह ऐरीले गर्दै छन् । दीपेन्द्र पहिलो सिजन र रोहित दोस्रो सिजन एनपीएलको उत्कृष्ट नेपाली खेलाडी बन्दै कार पुरस्कार पाएका थिए ।
१ अर्ब ५० करोड रुपैयाँ बराबरको वित्तीय कारोबार हुने एनपीएलको तेस्रो संस्करण सुरु हुँदैछ । यो सिजनका सम्पूर्ण अपडेटका निम्ति हाम्रा खेल संवाददाताहरू कीर्तिपुरस्थित क्रिकेट मैदानमा छन् ।
खेल अपडेटका अलावा फ्यानहरूको रुचि अनि यसले पारिरहेको आर्थिक–सामाजिक प्रभावका बारेमा पनि हामी निरन्तर अपडेट गराउनेछौँ । कान्तिपुर मिडिया ग्रुपका खेल ब्युरो प्रमुख पाण्डे, खेल पत्रकार हिमेश बज्राचार्य, फोटो पत्रकार हेमन्त श्रेष्ठ र अंगद ढकाल, डेस्क एडिटरहरू कञ्चन अधिकारी र ध्रुव तुलाधर निरन्तर अपडेटमा रहनुहुनेछ ।
प्रधानमन्त्री वालेन्द्र शाह एनपीएल क्रिकेटको उद्घाटनमा सहभागी हुने भएका छन् । प्रधानमन्त्री शाहकी प्रेस विज्ञ दीपा दाहालले प्रधानमन्त्री एनपीएलको उद्घाटनमा सहभागी हुने बताइन् । कीर्तिपुर जानुअघि प्रधानमन्त्री शाहले फेसबुकमार्फत शुभकामना पनि दिएका छन् । उद्घाटन दिउँसो ५ बजे हुनेछ ।
नेपाल प्रिमियर लिगको कर्णाली याक्समा आबद्ध पाकिस्तानका साहिबजादा फरहान फर्किने भएका छन् । पाकिस्तान क्रिकेट बोर्डले टी ट्वान्टी टिमका कप्तान फरहानलाई फिर्ता पठाइदिन भन्दै इमेल गरेको कर्णालीका मालिक गृहेन्द्र घिमिरेले जानकारी दिए । उनी ३१ तारिखमा नेपाल आउने सर्तमा पाकिस्तान जाने भएका हुन् । फरहानले एनपीएलका सुरुवाती दुई खेल गुमाउनेछन् । कर्णालीले आफ्नो पहिलो खेलमा जनकपुर बोल्ट्स र बिहीबार विराटनगर किंग्ससँग खेल्नेछ ।
