तामोर मेवा जलविद्युत् आयोजना १२८ मेगावाट को निर्माण कार्य ३५ प्रतिशत समग्र भौतिक प्रगति
काठमाडौँ — ताप्लेजुङमा निर्माणाधीन १२८ मेगावाट क्षमताको तमोर मेवा जलविद्युत् आयोजनाको निर्माण कार्यले गति लिएको छ। आयोजनाले हालसम्म करिब ३५ प्रतिशत समग्र भौतिक प्रगति हासिल गरेको छ। आयोजना स्पार्क हाइड्रोइलेक्ट्रिक कम्पनी लिमिटेडद्वारा विकास गरिँदै आएको छ ।
आयोजनाको महत्वपूर्ण अंग मानिने हेड रेस टनेलको खनन कार्य सुरु भइसकेको छ भने पावरहाउस स्थलको खन्ने कार्य पनि सुरु गरिएको छ।
आयोजनाको वित्तीय व्यवस्थापन सिद्धार्थ बैंक लिमिटेडको नेतृत्वमा सम्पन्न भएको छ । माछापुच्छ्रे बैंक लिमिटेड सहनेतृत्व बैंकका रूपमा रहेको छ । हालसम्म आयोजनाको निर्माणमा प्रवर्द्धकहरूको स्वपुँजी लगानी प्रयोग भइरहेको कम्पनीले जनाएको छ ।
हालै आयोजनाका अध्यक्ष तथा प्रबन्ध निर्देशक सुदीपकुमार चौधरीले माछापुच्छ्रे बैंकका रोशन केसी तथा व्यवस्थापन टोलीसहित आयोजना स्थलको भ्रमण गरेका थिए । आफूहरुसँग अत्यन्त व्यावसायिक टोली रहेको र आयोजनालाई निर्धारित समयभित्रै सम्पन्न गर्ने चौधरीले बताए ।