Trending
Prev Story
Next Story

दुवै तहको चुनाव एकैपटक गराउन दलहरू सकारात्मक, सरकार के गर्छ ?

Onlinekhabar •
November 20, 2026 • 12:00 PM
2
2 reads 0 reactions

४ मंसिर काठमाडौं ।प्रदेश र स्थानीय तहको चुनाव एकैपटक गर्न दलहरू सकारात्मक देखिएका छन् । निर्वाचन आयोगले प्रदेश र स्थानीय तहको चुनावका बारेमा छलफल गर्न प्रतिनिधि सभाका छ दलका प्रमुखलाई शुक्रबार बोलाएको थियो । दलहरूको राय …

दुवै तहको चुनाव एकैपटक गराउन दलहरू सकारात्मक, सरकार के गर्छ ?

४ मंसिर काठमाडौं ।प्रदेश र स्थानीय तहको चुनाव एकैपटक गर्न दलहरू सकारात्मक देखिएका छन् । निर्वाचन आयोगले प्रदेश र स्थानीय तहको चुनावका बारेमा छलफल गर्न प्रतिनिधि सभाका छ दलका प्रमुखलाई शुक्रबार बोलाएको थियो ।

दलहरूको राय लिनका लागि बोलाइएको बैठकमा स्थानीय र प्रदेशको चुनाव एकैपटक गनै सकिने भएपनि त्यसको वातावारण सरकारले बनाउनुपर्ने विपक्ष दलको राय छ ।

एकैपटक गर्दा कानुनी जटिलताको बारेमा दलहरूको ध्यानाकर्षण गराएको थियो । स्थानीय तहका जनप्रतिनिधिको कार्यकाल आगामी जेठ पहिलो साता सकिँदै छ भने प्रदेश सभा सदस्यको कार्यकाल मंसिरसम्म छ ।

दुवै तहमा रहेका जनप्रतिनिधिको पदावधि पाँच वर्षको हुन्छ । कानुनी जटिलता फुकाउन वा राष्ट्रिय सहमति कायम गरेर दुवै तहको निर्वाचन एकैपटक गराउन सरकारी पक्षले तदरुकता नदेखाएको बैठकपछि कांग्रेस सभापति गगन थापाले बताए ।

‘सरकारले अरु कयौँ विषयहरूमा कुनै पनि राजनीतिक दल चिन्दिन अरु बेलामा सरकारको काम कारबाही चल्छ । निर्वाचनको बेलामा त्यसरी चल्दैन,’ कांग्रेस सभापति थापाले भने । भदौ २३ र २४ को जेनजी व्रिदोहपछि बनेको सरकारले दलहरूसँग निरन्तर संवाद गरेर चुनावी माहोल निर्माण भएको तर्फ सत्ता पक्षलाई विपक्षी दलले स्मरण गराएका छन् ।

सत्तारुढ दल राष्ट्रिय स्वतन्त्र पार्टी (रास्वपा) प्रदेश र स्थानीय तहको चुनाव एकैपटक गर्नुपर्ने पक्षमा देखिँदै आएको छ ।

निर्वाचन आयोगले बोलाएको बैठकपछि पत्रकारसँग कुरा गर्दै रास्वपा प्रवक्ता जगदीश खरेलले एकैपटक चुनाव गर्दा उपयुक्त हुने विचार बैठकमा व्यक्त भएको जानकारी गराए ।

स्थानीय र प्रदेशको चुनाव एकैपटक गर्नुपर्ने पक्षमा रास्वपा देखिँदै आएको छ । रास्वपा प्रवक्ता खरेलले स्थानीय र प्रदेशको चुनाव पछि चुनाव भइरहने, खर्च, चुनावको मुखमा हुने बजेट विनियोजनको आशंका लगायतका कारणले दुई तहको चुनाव एकैपटक हुनपर्ने विचार बैठकमा आएको बताए ।

‘चैत पाँच गते भित्र चुनाव गर्नुपर्‍यो । प्रदेश सभाको मंसिर लाग्दा नलाग्दै चुनाव गर्नुपर्‍यो । माघतिर राष्ट्रिय सभाको गर्नुपर्‍यो,’ रास्वपा प्रवक्ता खरेल भन्छन्,‘राष्ट्रपति र उपराष्ट्रपतिको चुनाव गर्नुपर्‍यो । वर्षैभरि चुनाव गरिरख्दाखेरि हाम्रो सबै ध्यान चुनावमा जाने भयो ।’ निरन्तर चुनाव गर्दा राज्यलाई पर्ने आर्थिक भारको पनि ख्याल गर्नुपर्ने खरेल बताउँछन् ।

निरन्तर चुनाव हुँदा चुनावी आचारसंहिताले सरकारलाई पर्ने असरमा समेत बैठकमा चर्चा भएको छ । चुनावी आचार संहिताले केन्द्र सरकारले समेत कतिपय निर्णय गर्न नपाउने हुँदा लगातार चुनाव गर्न नहुने तर्क छलफलमा उठेको थियो ।

एउटा तहको चुनाव हुँदा अर्को सरकारका काम कारबाही चुनावी आचार संहिताले प्रभावित पार्नेबारे कांग्रेस सभापति थापाले भने,‘चुनावी आचारसंहिताले सबै बाँधिनु पर्दछ । सबैभन्दा बढी प्रभाव केन्द्र सरकारलाई पर्छ । यस्ता कुरामा सरकारले छलफल गरोस् भन्ने चाहन्छौं ।

निर्वाचन आयोगले डाकेको बैठकमा चर्चा भएको अर्को विषय विदेश रहेका र अन्तर जिल्ला मतदातालाई मतदानको व्यवस्था बारेमा थियो ।

चुनावी घोषणापत्रमा सबै दलले विदेशमा रहेकालाई मताधिकारको व्यवस्था गर्ने उल्लेख गरेका छन् । तर, कानुनी बाटो खुल्न नसक्दा मताधिकारबाट बञ्चित रहँदै आएका छन् । सरकारले कानुनी जटिलता हटाए मतदानको व्यवस्था मिलाउन तयार रहेको निर्वाचन आयोगले बताउँदै आएको छ ।

रास्वपा प्रवक्ता खरेलले भने,‘विदेशमा बस्नेहरूलाई मतदान गर्न सम्भव छ या छैन ? कसरी आयोगले तयारी गरिरहेको छ ? भन्ने विषयमा छलफल भएको छ । अन्तर जिल्ला भोटिङको विषयमा कुराकानी भएको छ ।’

बैठकमा दलका प्रमुखहरूमा रास्वपा सभापति रवि लामिछाने, कांग्रेस सभापति थापा, नेकपा संयोजक पुष्पकमल दाहाल ‘प्रचण्ड’ सहभागी थिए । नेकपा एमालेका अध्यक्ष केपी शर्मा ओली आयोग पुगेपनि बैठकमा सहभागी नभई बाहिरिएका थिए । श्रम संस्कृति पार्टीबाट महासचिव आरेन राई सहभागी थिए ।

बैठकबाट कुनै निर्णय नभएपनि आयोगले बोलाएको छलफललाई दलहरूले सकरात्मक लिएका छन् । संविधानको बर्खिलाप नहुने गरी स्थानीय र प्रदेशको चुनाव एकैपटक गराउन दलहरू सकरात्मक देखिएका छन् । कानुनी जटिलता फुकाउन वा राष्ट्रिय सहमति गराउन सरकारको पहकदमी हुनुपर्नेमा विपक्षी दलको जोड छ । नेकपाका संयोजक प्रचण्डका अनुसार दलहरूले एक आपसमा र आफ्नो दलभित्रै पनि यो मुद्दामा छलफल गर्ने गरी बैठक टुंगिएको छ ।

कांग्रेस सभापति थापाले बैठकपछि भने,‘आफ्नो आफ्नो दलभित्र छलफल गर्छौं । दलहरूका बीचमा पनि छलफल गर्छौं । दलीय संयन्त्रमा कुरा गर्छौं ।’

रसुवा बाढीपछि बनेको उच्चस्तरीय राजनीतिक संयन्त्रलाई प्रदेश र स्थानीय तहको चुनावका विषयमा छलफल गर्न समेत उपयोग गरिने भएको छ ।

छलफलमा सहभागी एमाले नेता देवेन्द्र दाहालले गत निर्वाचनमा मत परिणाम स्वीकारेपनि सुरक्षाको व्यवस्थाप्रति प्रश्न उठेको हुँदा त्यसतर्फ सजक बनाएको बताए ।

निर्वाचनको सुरक्षाका लागि पहिलो घेरामा नै सेनालाई उतारिएकोप्रति चिन्ता प्रकट छलफलमा भएको उनले बताए ।

छलफलका सहभागी एक नेताका अनुसार गत निर्वाचनमा धाँधली आशंका समेत व्यक्त भएको थियो । एमाले निर्वाचन विभागका प्रमुख दाहालले गत निर्वाचनको स्वीकारेपनि धाँधलीको आशंका आफ्नो दलमा रहेको बताएका थिए ।

छलफलको अन्तिममा विचार राखेका रास्वपा सभापति लामिछानेले रास्वपाले जित्नुमा धाँधलीको शंका नगर्न आग्रह गरेका थिए ।

संविधान अनुसार राज्यले गराएको निर्वाचन मार्फत अघिल्लोपटक २१ सिट प्राप्त गरेको रास्वपा राज्यका त्यही गराएको निर्वाचनबाट पहिलो दल बनेको उल्लेख गर्दै आशंका नगर्न आग्रह गरेका थिए ।

लिलु डुम्रे अनलाइनखबरको राजनीतिक व्यूरोमा कार्यरत छन् ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Bizshala
7h ago
स्थानीय तहको निर्वाचन तयारीमा आयोगको सक्रियता तीव्र, आज राष्ट्रिय दलहरूसँग छलफल

स्थानीय तहको निर्वाचन तयारीमा आयोगको सक्रियता तीव्र, आज राष्ट्रिय दलहरूसँग छलफल

काठमाण्डौ । निर्वाचन आयोगले आगामी स्थानीय तहको निर्वाचनलाई लक्षित गर्दै राजनीतिक दलहरूसँग परामर्श प्रक्रिया अघि...

#दलहरू #तहको
Compare →
Hamro Patro News
4d ago
स्थानीय तहको निर्वाचनबारे छलफल गर्न आयोगले दलहरूलाई बोलायो

स्थानीय तहको निर्वाचनबारे छलफल गर्न आयोगले दलहरूलाई बोलायो

काठमाडौं । स्थानीय तहको निर्वाचनको मितिबारे छलफल गर्न निर्वाचन आयोगले राजनीतिक दलहरूलाई बोलाएको छ । आयोगले राष्ट्रिय दलको मान्यता प्राप्त गरेका राजनीतिक दलहरूलाई आगामी मंसिर ४ गते छलफलका लागि आमन्...

#दलहरू #तहको
Compare →
Ekantipur
1h ago
प्रदेश र स्थानीय तहको निर्वाचन एकैपटक गर्न रास्वपा र कांग्रेस सहमत, अन्य दलको फरक मत

प्रदेश र स्थानीय तहको निर्वाचन एकैपटक गर्न रास्वपा र कांग्रेस सहमत, अन्य दलको फरक मत

निर्वाचन आयोगले प्रतिनिधिसभामा प्रतिनिधित्व गर्ने ६ राष्ट्रिय मान्यता प्राप्त दलहरू रास्वपा, कांग्रेस, एमाले, नेकपा, श्रम संस्कृति पार्टी र राप्रपासँग छलफल गरी धारणा बुझेको हो ।

#दलहरू #तहको #एकैपटक
Compare →
Nagarik News
8h ago
स्थानीय तहको निर्वाचनबारे छलफल गर्न आयोग पुगे शीर्ष नेता

स्थानीय तहको निर्वाचनबारे छलफल गर्न आयोग पुगे शीर्ष नेता

स्थानीय तहको निर्वाचन तयारीबारे छलफल गर्न शीर्ष नेताहरू निर्वाचन आयोग पुगेका छन्।

#तहको
Compare →

Related Stories

Politics & Governance
Build #2612