Trending
Prev Story
Next Story

आगामी निर्वाचन स्वच्छ र धाँधलीरहित हुनुपर्छ : संयोजक दाहाल

Nagarik News •
November 20, 2026 • 08:56 AM
3
3 reads 0 reactions

नेपाली कम्युनिस्ट पार्टीका संयोजक पुष्पकमल दाहालले आगामी निर्वाचन स्वच्छ, निष्पक्ष, धाँधलीरहित र पारदर्शी हुनुपर्नेमा जोड दिएका छन्।

आगामी निर्वाचन स्वच्छ र धाँधलीरहित हुनुपर्छ : संयोजक दाहाल

नेपाली कम्युनिस्ट पार्टीका संयोजक पुष्पकमल दाहालले आगामी निर्वाचन स्वच्छ, निष्पक्ष, धाँधलीरहित र पारदर्शी बनाउनुपर्नेमा जोड दिएका छन्।

उनले मतदाताले कुनै अवरोधबिना आफ्नो मताधिकार प्रयोग गर्न पाउने वातावरण सुनिश्चित गर्न निर्वाचन आयोगको ध्यानाकर्षण गराएका छन्।

निर्वाचन आयोगले राष्ट्रिय मान्यता प्राप्त राजनीतिक दलहरूसँग आयोजना गरेको छलफलमा धारणा राख्दै संयोजक दाहालले विगतका निर्वाचनमा मतगणना, मतपरिणाम र मतपेटिका व्यवस्थापनलाई लिएर विभिन्न प्रश्न तथा गुनासा उठ्ने गरेको बताए।

आगामी निर्वाचनमा यस्ता समस्या दोहोरिन नदिन निर्वाचन प्रक्रिया थप पारदर्शी र विश्वसनीय बनाउनुपर्ने उनको भनाइ थियो।

उनले विगतमा कतिपय उम्मेदवारले आफ्नो मत हराएको, अपेक्षाभन्दा फरक परिणाम आएको तथा मतपेटिका ओसारपसार गर्दा उम्मेदवारका प्रतिनिधिलाई सहभागी नगराइएको जस्ता गुनासा गर्ने गरेको स्मरण गराए।

यस्ता विवादको अवस्था आउन नदिन आयोगले सुरुदेखि नै निर्वाचन व्यवस्थापनमा विशेष सतर्कता अपनाउनुपर्ने उनले बताए।

प्रचण्डले अघिल्लो निर्वाचन सामान्य परिस्थितिमा सम्पन्न नभएको उल्लेख गर्दै लोकतन्त्रको निरन्तरता र संविधान कार्यान्वयनका लागि राजनीतिक दल तथा नेताहरूले खेलेको भूमिकाको पनि मूल्याङ्कन हुनुपर्ने धारणा राखे।

उनले निर्वाचनमा प्राप्त मत र जित–हार मात्र नभई लोकतान्त्रिक व्यवस्था संस्थागत गर्न दलहरूले गरेको योगदान पनि महत्त्वपूर्ण रहेको बताए।

निर्वाचनको समयतालिकाबारे बोल्दै उनले संविधान र कानुनको व्यवस्थाअनुसार निर्वाचन सम्पन्न गर्नु उपयुक्त हुने बताए।

स्थानीय तहको निर्वाचन वैशाखभित्र र प्रदेशसभा निर्वाचन मङ्सिरमा गर्ने गरी निर्वाचन आयोगले प्रस्ताव गरेको समयतालिका उपयुक्त देखिएको उनको भनाइ थियो। यद्यपि, यसबारे पार्टीभित्र थप छलफल र अध्ययन गरेपछि मात्रै औपचारिक धारणा सार्वजनिक गर्ने उनले बताए।

यसैगरी, विदेशमा रहेका नेपाली नागरिकलाई मतदानको अधिकार सुनिश्चित गर्नुपर्ने विषयलाई प्रचण्डले विशेष प्राथमिकता दिए।

शान्ति सम्झौतापछि पहिलो संविधानसभा निर्वाचनकै समयदेखि आफूले विदेशमा रहेका नेपालीलाई मतदानको अधिकार दिनुपर्ने आवाज उठाउँदै आएको उनले बताए।

विदेशमा रहेका नेपालीको मतदान अधिकार सुनिश्चित गर्न कानुनी र प्राविधिक पक्षमा गम्भीर अध्ययन आवश्यक रहेको उनको भनाइ छ। उनले विदेशमा धेरै नेपाली नागरिक रहेका मुलुकका सरकारसँग नेपालले द्विपक्षीय संवाद गर्नुपर्ने र निर्वाचन आयोगले आवश्यक सहजीकरण गर्नुपर्ने बताए।

दुई चरणमा निर्वाचन गर्ने विषयमा भइरहेको छलफलका सम्बन्धमा भने उनले निर्वाचन आयोगको प्रस्ताव र सुझाव अध्ययन गरी पार्टीभित्र छलफल गरेपछि मात्रै थप निर्णय लिने बताएका छन्।

प्रकाशित: ४ मंसिर २०८३ १४:४१ शुक्रबार

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Ekantipur
5h ago
विगतका निर्वाचनमा मत हराएको, अपेक्षाभन्दा फरक परिणाम आएको गुनासा थिए : दाहाल

विगतका निर्वाचनमा मत हराएको, अपेक्षाभन्दा फरक परिणाम आएको गुनासा थिए : दाहाल

निर्वाचन आयोगले आयोजना गरेको राष्ट्रिय मान्यता प्राप्त राजनीतिक दलहरूसँगको छलफलमा नेकपा संयोजक पुष्पकमल दाहालले मतदाताले निर्बाध रूपमा मतदान गर्न पाउने वातावरण सुनिश्चित गर्नुपर्ने र निर्वाचन प्रक्रिया थप पारदर्शी र विश्वसनीय बनाउनुपर्नेमा जोड दिएका थिए ।

#प्रचण्ड #निर्वाचन #संयोजक
Compare →
Hamro Patro News
3h ago
स्थानीय तह निर्वाचनबारे दलहरूबीच थप छलफल आवश्यक : प्रचण्ड

स्थानीय तह निर्वाचनबारे दलहरूबीच थप छलफल आवश्यक : प्रचण्ड

काठमाडौं । नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ले स्थानीय तह निर्वाचनका विषयमा राजनीतिक दलहरूबीच थप छलफल आवश्यक रहेको बताएका छन् । शुक्रबार (मंसिर ४) निर्वाचन आयोगले र...

#प्रचण्ड #निर्वाचन
Compare →
Onlinekhabar
5h ago
विदेशमा रहेका नेपालीको मताधिकार सुनिश्चित गर्न प्रचण्डको माग

विदेशमा रहेका नेपालीको मताधिकार सुनिश्चित गर्न प्रचण्डको माग

४ मंसिर, काठमाडौं । नेपाली कम्युनिस्ट पार्टी (नेकपा) का संयोजक पुष्पकमल दाहाल प्रचण्डले विदेशमा रहेका नेपालीको मताधिकार सुनिश्चित गर्न माग गरेका छन् । स्थानीय तहको निर्वाचनको तयारी अन्तर्गत निर्वाचन आयोगले बोलाएको छलफलमा प्रचण्डले यो विषय राखेका …

#प्रचण्ड #निर्वाचन
Compare →
Bizshala
2h ago
स्थानीय तहको चुनाव वैशाखमा र प्रदेशसभाको मंसिरमा गर्न निर्वाचन आयोगको प्रस्ताव

स्थानीय तहको चुनाव वैशाखमा र प्रदेशसभाको मंसिरमा गर्न निर्वाचन आयोगको प्रस्ताव

काठमाण्डौ । निर्वाचन आयोगले आगामी २०८४ सालको वैशाखमा स्थानीय तह र मंसिरमा प्रदेशसभाको निर्वाचन गर्ने प्रस्ताव अघि...

#निर्वाचन
Compare →

Related Stories

Politics & Governance
Build #2612