आयोगले प्रदेशको पनि सँगै निर्वाचन गर्ने विषयमा समेत दलहरुसँग धारणा मागिरहेको छ । २०७९ सालमा निर्वाचित स्थानीय तहका जनप्रतिनिधिको कार्यकाल आगामी वैशाखमा पूरा हुँदै छ।
काठमाडौँ — स्थानीय तह निर्वाचनको मितिबारे छलफल गर्न विभिन्न दलका नेताहरू निर्वाचन आयोग पुगेका छन् । आयोगले संघीय संसद्मा प्रतिनिधित्व गर्ने राजनीतिक दलहरूसँग निर्वाचनको मितिबारे छलफल गर्दै छ।
राष्ट्रिय मान्यता प्राप्त राजनीतिक दलका प्रतिनिधिलाई आयोगको कार्यालयमा बोलाइएको आयोगका प्रवक्ता नारायणप्रसाद भट्टराईले बताए ।
छलफलका लागि अहिले राष्ट्रिय स्वतन्त्र पार्टीका सभापति रवि लामिछाने, प्रवक्ता जगदीश खरेल, नेकपा संयोजक पुष्कमल दाहाल, एमाले अध्यक्ष केपी ओली, कांग्रेस सभापति गगन थापा, श्रम संस्कृति पार्टीका महासचिव आरेन राई लगायतका नेता आयोग पुगिसकेका छन् ।
आयोगले प्रदेशको पनि सँगै निर्वाचन गर्ने विषयमा समेत दलहरुसँग धारणा मागिरहेको छ । २०७९ सालमा निर्वाचित स्थानीय तहका जनप्रतिनिधिको कार्यकाल आगामी वैशाखमा पूरा हुँदै छ।
राष्ट्रिय मान्यता प्राप्त राजनीतिक दलहरूसँगको छलफलपछि आयोगमा दर्ता भएका अरु राजनीतिक दलहरूसँग पनि छलफल गरिने निर्वाचन आयोगले जनाएको छ।