Trending
Prev Story
Next Story

स्याङ्जामा ४४४ मिटर लामो झोलुङ्गे पुल सञ्चालनमा, एक घण्टाको यात्रा १५ मिनेटमा

Onlinekhabar •
November 19, 2026 • 02:01 AM
3
3 reads 0 reactions

३ मंसिर, स्याङ्जा । स्याङ्जाको गल्याङ नगरपालिकामा बनेको झोलुङ्गे पुल सञ्चालनमा आएको छ । स्याङ्जाको गल्याङ नगरपालिका–११ बुढाथोकीडाँडा र वडा नं. ७ सेनापुक जोड्ने ४४४ मिटर लामो पुल सञ्चालनमा आएको हो । झोलुङ्गे पुल सञ्चालनमा आएसँगै …

स्याङ्जामा ४४४ मिटर लामो झोलुङ्गे पुल सञ्चालनमा, एक घण्टाको यात्रा १५ मिनेटमा

३ मंसिर, स्याङ्जा । स्याङ्जाको गल्याङ नगरपालिकामा बनेको झोलुङ्गे पुल सञ्चालनमा आएको छ ।

स्याङ्जाको गल्याङ नगरपालिका–११ बुढाथोकीडाँडा र वडा नं. ७ सेनापुक जोड्ने ४४४ मिटर लामो पुल सञ्चालनमा आएको हो ।

झोलुङ्गे पुल सञ्चालनमा आएसँगै एक घण्टाको यात्रा अब १५ मिनेटमा छोटिएको छ ।

संघीय सरकारअन्तर्गतको सस्पेन्सन ब्रिज डिभिजन कार्यालय, काठमाडौंमार्फत पुल निर्माण गरिएको हो । नगरप्रमुख गुरुप्रसाद भट्टराईका अनुसार पुल निर्माणमा ४ करोड ५६ लाख ५८ हजार २४८ रुपैयाँ ६० पैसा खर्च भएको छ ।

यसअघि करादीमा बनेको झोलुङ्गे पुलभन्दा गल्याङमा निर्माण भएको पुल ७६ मिटर लामो छ । जय नेपाल ईश्वर निर्माण सेवा प्रालिले गत वर्ष १० असारमा निर्माणको जिम्मा लिएको थियो । १८ महिनाभित्र काम सक्ने सम्झौता भए पनि निर्माण कम्पनीले पाँच महिनाअघि नै पुल तयार पारेको नगरप्रमुख भट्टराईले बताए ।

निर्माण अवधि गुज्रिएर धेरै आयोजना अलपत्र परिरहेका बेला जिल्लाकै लामो पुल निर्धारित समयभन्दा अगावै सम्पन्न भएको उनको भनाइ छ ।

पुल सञ्चालनमा आएपछि बुढाथोकीडाँडा र सेनापुक क्षेत्रका बासिन्दालाई आवतजावतमा सहज भएको छ । विशेषगरी व्यापार–व्यवसाय, शिक्षा, स्वास्थ्य र दैनिक कामकाजका लागि ओहोरदोहोर गर्ने स्थानीयलाई समय बचत भएको नगरपालिकाले जनाएको छ ।

पुल बनेपछि गल्याङ नगरपालिका–७ सेनापुक सिधै सिद्धार्थ राजमार्गसँग जोडिएको छ । यसअघि उक्त क्षेत्रबाट राजमार्गसम्म पुग्न करिब एक घण्टा लाग्नेमा अहिले १५ मिनेटमै पुग्न सकिने भएको छ ।

पुलको भारवहन क्षमता एक हजार ५८ जना मानिस र १३३ मेट्रिक टन रहेको जनाइएको छ । नगरप्रमुख भट्टराईले पुलले गल्याङको भौतिक पूर्वाधारसँगै आर्थिक, पर्यटन र सामाजिक विकासमा समेत योगदान पुर्‍याउने बताए ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
5d ago
दोधारा चाँदनी झोलुङ्गे पुल भत्किएपछि होटल व्यवसाय प्रभावित

दोधारा चाँदनी झोलुङ्गे पुल भत्किएपछि होटल व्यवसाय प्रभावित

दोधारा चाँदनी झोलुङ्गे पुल भत्किएर आवामन रोकिएपछि पुल वारिपारितर्फका होटल व्यवसाय धरासायी बनेका छन् । गत असोज दोस्रो साता महाकाली नदीमा आएको बाढीले दोधारा चाँदनी र भीमदत्त नगरपालिका जोड्ने उक्त पु...

#पुल #झोलुङ्गे
Compare →
Nagarik News
6d ago
झोलुङ्गे पुल निर्माणपछि दुई पालिकाका स्थानीयलाई आवतजावत सहज

झोलुङ्गे पुल निर्माणपछि दुई पालिकाका स्थानीयलाई आवतजावत सहज

सिन्धुपाल्चोकको बाह्रबिसे नगरपालिका र त्रिपुरासुन्दरी गाउँपालिकालाई जोड्ने १६४ मिटर लामो झोलुङ्गे पुल निर्माण सम्पन्न भएको छ।

#पुल #झोलुङ्गे
Compare →
Ekantipur
1d ago
वर्षौंदेखि अलपत्र जब्दीघाटमा नयाँ पुल बन्ने, ६७ करोडमा ठेक्का

वर्षौंदेखि अलपत्र जब्दीघाटमा नयाँ पुल बन्ने, ६७ करोडमा ठेक्का

बर्दियाको बगही र जब्दी जोड्ने बबई नदीमा नयाँ पुल निर्माणका लागि ठेक्का सम्झौता भएको छ । दुई लेनको पुल ४२० मिटर लामो र ११ मिटर चौडाको हुनेछ ।

#पुल #मिटर
Compare →
Bizshala
5d ago
१५ वर्षपछि कमला पुल खुलाउने तयारी, मंसिर पहिलो सातादेखि सवारी चलाउने लक्ष्य

१५ वर्षपछि कमला पुल खुलाउने तयारी, मंसिर पहिलो सातादेखि सवारी चलाउने लक्ष्य

काठमाण्डौ । धनुषा र सिरहा जोड्ने कमला नदीमाथिको पुलमा करिब १५ वर्षको प्रतीक्षापछि सवारीसाधन सञ्चालन गर्ने तयारी भएको...

#पुल
Compare →

Related Stories

World News
Build #2612