इन्टरनेटसम्बन्धी समस्या समाधान गर्न भायानेट कम्युनिकेसन्स लिमिटेडले ‘आजको प्रब्लम, आजै फिक्स’ सेवा सुरु गरेको छ । कम्पनीले आफ्ना ग्राहकलाई छिटो र प्रभावकारी प्राविधिक सहयोग प्रदान गर्ने उद्देश्यले यो सेवा सुरु गरेको जनाएको हो ।
यसअन्तर्गत साँझ पाँच बजेअघि दर्ता गरिएका इन्टरनेटसम्बन्धी प्राविधिक समस्या सोही दिन समाधान गरिने बताइएको छ । ग्राहकको समस्याको प्रकृतिअनुसार रिमोट सपोर्टमार्फत वा आवश्यक परे प्राविधिक टोली ग्राहकको घरमै पठाएर समस्या समाधान गर्ने कम्पनीको दाबी छ । यस सेवामार्फत इन्टरनेटमा समस्या आउँदा ग्राहकले लामो समय कुर्नुपर्ने अवस्थालाई कम गर्दै छिटो, सहज र भरपर्दो सेवा अनुभव प्रदान गर्ने कम्पनीले विश्वास लिएको छ ।