Trending
Prev Story
Next Story

निजामती ट्रेड युनियनको विवाद संवैधानिक इजलासमा

Onlinekhabar •
November 18, 2026 • 12:30 AM
2
2 reads 0 reactions

२ मंसिर, काठमाडौं । सर्वोच्च अदालतले निजामती कर्मचारीहरुको ट्रेड युनियन खारेज गर्ने सरकारको निर्णयलाई संवैधानिक इजलासबाट छिनोफानो गर्ने भएको छ । न्यायाधीशहरु टेकप्रसाद ढुंगाना र चन्द्रबहादुर सारुको इजलासले कर्मचारीहरुको ट्रेड युनियन खारेज गर्ने सरकारको निर्णय विरुद्ध …

निजामती ट्रेड युनियनको विवाद संवैधानिक इजलासमा

२ मंसिर, काठमाडौं । सर्वोच्च अदालतले निजामती कर्मचारीहरुको ट्रेड युनियन खारेज गर्ने सरकारको निर्णयलाई संवैधानिक इजलासबाट छिनोफानो गर्ने भएको छ ।

न्यायाधीशहरु टेकप्रसाद ढुंगाना र चन्द्रबहादुर सारुको इजलासले कर्मचारीहरुको ट्रेड युनियन खारेज गर्ने सरकारको निर्णय विरुद्ध परेको रिट निवेदनलाई संवैधानिक इजलासमा पठाउने आदेश गरेको हो ।

नेपाल निजामती कर्मचारी संगठनको केन्द्रीय कार्यसमितिको तर्फबाट भवानी दाहालले सरकारको निर्णय विरुद्ध सर्वोच्च अदालतमा रिट निवेदन दर्ता गरेकी थिइन् ।

सर्वोच्च अदालतले कर्मचारीहरुको रिट निवेदनमा अन्तरिम आदेश दिएको थियो । न्यायाधीशहरु ढुंगाना र सारुले ‘गम्भिर संवैधानिक व्याख्याको प्रश्न’ देखाएर मुद्दालाई संवैधानिक इजलासमा पठाएका हुन् ।

अब प्रधानन्यायाधीशको नेतृत्वमा गठन हुने संवैधानिक इजलासले मुद्दाको छिनोफानो गर्नेछ ।

सरकारले गत साउनमा निजामती कर्मचारीहरुको ट्रेड युनियनलाई खारेज गर्ने निर्णय गरेको थियो । ट्रेड युनियनका नेताहरुले त्यसको विरोध गरेका थिए ।

सरकारले प्रतिनिधिसभामा पेश गरेको संघीय निजामती सेवा विधेयकमा पनि निजामती सेवामा ट्रेड युनियनको परिकल्पना छैन ।

Prev Swipe Story Next

Same Story from Other Publications

Compare how 2 other independent news outlets reported on this story.

2 Publications
Hamro Patro News
15h ago
ट्रेड युनियनका संरचना हटाउने निर्णयविरुद्धको रिट संवैधानिक इजलासमा सुनुवाइ हुने

ट्रेड युनियनका संरचना हटाउने निर्णयविरुद्धको रिट संवैधानिक इजलासमा सुनुवाइ हुने

काठमाडौँ। ट्रेड युनियनका संरचना हटाउने गरी सरकारको निर्णयविरुद्धको रिट संवैधानिक इजलासमा सुनुवाइ हुने भएको छ। सर्वोच्च अदालतका न्यायाधीश टेकप्रसाद ढुङ्गाना र चन्द्रबहादुर सारुको संयुक्त इजलासले मंग...

#सर्वोच्च-अदालत #इजलास #ट्रेड
Compare →
Ekantipur
15h ago
ट्रेड युनियन खारेजीविरुद्धको दोस्रो रिट पनि संवैधानिक इजलासमा पठाइयो

ट्रेड युनियन खारेजीविरुद्धको दोस्रो रिट पनि संवैधानिक इजलासमा पठाइयो

नेपाल निजामती कर्मचारी संगठनले दायर गरेको रिटलाई सर्वोच्च अदालतको संयुक्त इजलासले संवैधानिक इजलासमा पठाउने आदेश गरेको हो ।

#सर्वोच्च-अदालत #इजलास #संवैधानिक
Compare →

Related Stories

National (Nepal)
Build #2612