Trending
Prev Story
Next Story

‘हामी चुनावमा पार्टी बनाउन होइन, जित्न जान्छौं’

Nagarik News •
November 17, 2026 • 03:45 PM
2
2 reads 0 reactions

नेकपा एमालेका अध्यक्ष केपी शर्मा ओलीले पार्टी पङ्क्तिलाई आन्दोलन र चुनाव दुवैको तयारीमा जुट्न निर्देशन दिएका छन्।

‘हामी चुनावमा पार्टी बनाउन होइन, जित्न जान्छौं’

नेकपा एमालेका अध्यक्ष केपी शर्मा ओलीले पार्टी पङ्क्तिलाई आन्दोलन र चुनाव दुवैको तयारीमा जुट्न निर्देशन दिएका छन्।

मङ्गलबार अखिल नेपाल किसान महासङ्घ केन्द्रीय कमिटीको विस्तारित बैठकलाई सम्बोधन गर्दै उनले अन्य दलहरू चुनावको माध्यमबाट पार्टी बनाउन खोजिरहेका बेला एमाले भने सुदृढ सङ्गठनका साथ चुनाव जित्न जाने दाबी गरे।

अध्यक्ष ओलीले एमालेलाई देशको निर्णायक राजनीतिक र राष्ट्रिय शक्तिका रूपमा विकास गर्दै ‘समृद्ध नेपाल, सुखी नेपाली’ निर्माणको बाटोमा अघि बढ्ने बताए।

चुनाव जित्नैपर्ने उल्लेख गर्दै उनले महासङ्घका नेता तथा कार्यकर्तालाई हरेक किसानको घरदैलोमा पुगेर भेटघाट, संवाद, गोलबन्द र परिचालन गर्न निर्देशन दिए।

सम्बोधनका क्रममा ओलीले प्रतिस्पर्धी दलहरूप्रति कटाक्ष गर्दै हावाहुरीको भरमा धाक नलगाउन टिप्पणी गरे।

‘कोही-कोही पार्टी हावा र हुरीका भरमा आँगनका पात पर सरेका बेला मैले बढारेर सफा गरें भनेर धाक लगाउने खालका छन्,’ उनले भने, ‘चुनावको माध्यमबाट पार्टी बनाउन खोज्दैछन्। हामी चुनावमा पार्टी बनाउनेभन्दा पनि पार्टी लिएर चुनावमा जित्न जान्छौं।’

विगतमा देशी-विदेशी शक्ति र अन्य दल मिल्दा पनि एमालेलाई सिध्याउन नसकेको दाबी गर्दै ओलीले पार्टीविरुद्ध भइरहेका बहिष्कार र ‘झोले’ जस्ता टिप्पणीको आलोचना गरे।

कसैले बहिष्कार गर्दैमा एमालेलाई फरक नपर्ने बताउँदै ओलीले आफ्नो पार्टी नै देशको सबैभन्दा मजबुत देशभक्त, लोकतान्त्रिक, सुशासन तथा विकास दिने, स्पष्ट दृष्टिकोण र व्यापक सङ्गठन भएको शक्ति रहेको दाबी गरे। उनले कार्यकर्तालाई उच्च मनोबल र आत्मविश्वासका साथ हरेस नखाई अगाडि बढ्न आग्रह गरे।

किसान महासङ्घले माघमा तय गरेको महाधिवेशन तथा जिल्ला र पालिका अधिवेशनतर्फ इङ्गित गर्दै ओलीले आन्तरिक लोकतन्त्रका नाममा अनावश्यक तानातान र रस्साकसी नगर्न सचेत गराए। उनले सङ्गठनभित्र आपसमा एकता कायम गर्दै प्रतिस्पर्धा विपक्षीसँग गर्नुपर्नेमा जोड दिए।

अधिवेशनमा सकेसम्म सहमति र विचार-विमर्शबाट सक्षम नेतृत्व चयन गर्न प्रेरित गर्दै ओलीले कसैलाई चुनाव लड्ने इच्छा भएमा पार्टीले नरोक्ने स्पष्ट पारे।

‘सङ्गठनभित्र मिलेर अधिवेशन गर्न प्रेरित गर्नुस्, भएन भने चुनाव गराउनुस्,’ उनले भने, ‘विपक्षीसँग लड्न एकताबद्ध भएर अगाडि जानुस्।’

दिउँसो १ बजे पार्टीको स्थायी कमिटी बैठक रहेकाले उनले बैठकमा छोटो समय मात्र सम्बोधन गरेका थिए।

प्रकाशित: १ मंसिर २०८३ २१:३० मंगलबार

Prev Swipe Story Next

Same Story from Other Publications

Compare how 2 other independent news outlets reported on this story.

2 Publications
Hamro Patro News
2d ago
एमाले–नेकपाबीच गोप्य चुनावी गठबन्धन, पालिका र वडासम्म भागबण्डा करिब टुंगियो

एमाले–नेकपाबीच गोप्य चुनावी गठबन्धन, पालिका र वडासम्म भागबण्डा करिब टुंगियो

काठमाण्डु– प्रमुख दुई कम्युनिष्ट घटक नेकपा एमाले र नेपाली कम्युनिस्ट पार्टी (नेकपा) को शीर्ष तहमा आसन्न स्थानीय तह निर्वाचनमा तालमेल गर्ने समझदारी भएको छ । एमाले अध्यक्ष केपी ओली र नेकपा संयोजक प...

#केपी-ओली #एमा #चुनाव
Compare →
Onlinekhabar
1d ago
स्थानीय चुनावको तयारी भन्दै एमालेले डाक्यो राष्ट्रिय भेला

स्थानीय चुनावको तयारी भन्दै एमालेले डाक्यो राष्ट्रिय भेला

३० कात्तिक, काठमाडौं । नेकपा एमालेले आगामी मंसिर २ र ३ गते काठमाडौंमा आयोजना गर्न लागेको राष्ट्रिय भेलामा ३ हजार ५१४ जना सहभागी हुने जनाएको छ । पार्टीको केन्द्रीय नेतृत्वदेखि पालिका तहका कमिटीका पदाधिकारी तथा पार्टीबाट …

#एमा #चुनाव
Compare →

Related Stories

Politics & Governance
Build #2612