सामान्य रुघाखोकी, घाँटी दुख्ने र ज्वरो आउनेबित्तिकै चिकित्सकको परामर्शबिना एन्टिबायोटिक सेवन गर्ने प्रवृत्तिले औषधी प्रतिरोधको जोखिम बढाएको छ । आवश्यकताबिना एन्टिबायोटिक प्रयोग गर्ने र औषधीको पूरा मात्रा सेवन नगर्ने बानीले सामान्य सङ्क्रमणको उपचारसमेत भविष्यमा चुनौतीपूर्ण बन्न सक्ने चिकित्सकले बताएका छन् ।
हेटौँडाकी अनिता सुवेदीलाई सामान्य खोकी लाग्दा पनि एन्टिबायोटिक सेवन नगरी चित्त बुझ्दैन । केही समयअघि उहाँले पाँच दिनका लागि भन्दै खोकीको औषधीसँगै एन्टिबायोटिक खरिद गरेर सेवन गर्नुभयो । केही दिनमै खोकी निको भएपछि घरेलु उपचारभन्दा औषधीले छिटो काम गर्ने उहाँको विश्वास छ ।
Read full story at source ( gorkhapatraonline.com )