बागमती प्रदेशको राजधानी हेटौँडाबाट करिब ४३ किलोमिटर पूर्वोत्तरमा देउताखोलाको सिरानमा अवस्थित छ अम्बास लेक । तल सिमात खोलासित मेल नहुँदासम्मको बकैयालाई स्थानीयले देउताखोला भन्ने गरेका छन् । देउताखोलाको उद्गमस्थलभन्दा केही मिटरमाथि अम्बास लेकको अग्लो भाग समुद्र सतहदेखि करिब एक हजार दुई सय मिटर उचाइमा अम्बासगढी रहेको छ । बकैया गाउँपालिका वडा नम्बर १० मा रहेको अम्बासगढी प्राकृतिक तथा सामरिक दुवै दृष्टिले निकै महत्वपूर्ण देखिन्छ ।
अम्बास लेकको उत्तरमा अम्बास गाउँ छ । अम्बास गाउँको नजिकै रहेकाले पहाडको नाम अम्बास लेक रहन गएको हो । अम्बास लेकमा रहेको कारण नै स्थानीयले गढीलाई अम्बासगढी भन्ने गरिएको छ । गढीको वास्तविक इतिहास र नाम जानकारी हुन नसक्दा जुन बस्तीनिकट र लेकमा रहेको छ, सोही नाम दिएर अम्बासगढी नामकरण गरिएको हो ।
स्रोतमा पूरा पढ्नुहोस् ( gorkhapatraonline.com )
