केहीको घटनास्थलमै मृत्यु भएको स्थानीयको भनाइ, प्रहरीले पुष्टि गर्न बाँकी।
हेटौंडा–भीमफेदी–कुलेखानी–काठमाडौं सडकखण्डको भीमफेदी गाउँपालिका–६ स्थित चिसापानी गढीमा यात्रुवाहक ईभी गाडी दुर्घटना हुँदा १४ जना गम्भीर घाइते भएका छन् ।
घाइतेमध्ये केहीको घटनास्थलमै मृत्यु भएको स्थानीयवासीले बताएका छन् । तर, प्रहरीले यसको पुष्टि गरिसकेको छैन । घटनास्थलमा जिल्ला प्रहरी कार्यालय मकवानपुरका प्रहरी उपरीक्षक भर्खरै पुगेका छन् ।
काठमाडौंवाट हेटौंडातर्फ आउँदै गरेको ईभी गाडी सडकबाट करिब ७ सय मिटर तल खसेको प्रहरीले जनाएको छ । उक्त गाडी सर्लाहीका यात्रु लिएर बिहीबार बिहान काठमाडौंवाट हिँडेको थियो ।
प्रताप विष्ट कान्तिपुरको हेटौडा संवाददाता हुन् । उनी स्थानिय राजनीतिक र सामाजिक मुद्धाबारे रिपोर्टिङ/टिप्पणी लेख्छन् ।
