प्रतिबन्ध छ, तर पनि पड्किइरहन्छ : कहाँबाट आउँछन् यी पटाका ?

प्रहरीले गैरकानुनी भन्दै पटाका बरामद गरिरहे पनि बजारमा सहज उपलब्धता र सार्वजनिक आतसबाजीले प्रतिबन्ध कार्यान्वयनमाथि प्रश्न उठाएको छ।

काठमाडौँ — एकातिर गैरकानुनी भन्दै प्रहरी बरामद गर्छ तर अर्कोतिर खुलेआम पटाका पड्किरहन्छ । बजारमा पनि किन्न त्यति गाह्रो छैन । अनि तिहारमा बालबालिका रमाउने कम घातक पटाका समेत प्रतिबन्धित भनेर बरामद भइरहँदा कहिलेकाहीँ देशमा आतसबाजी गर्दा प्रयोग गरिने पटाका चाहिँ कहाँबाट आउँछन् ?