काठमाडौँ। आज कार्तिक कृष्ण आमावास्या, ऐश्वर्य, धनधान्य एवं सम्पन्नताकी देवी लक्ष्मीको विशेष पूजा आराधना गरी श्रद्धा भक्तिपूर्वक लक्ष्मीपूजा पर्व मनाइँदैछ। प्रत्येक वर्ष कार्तिक कृष्ण औँसी अर्थात् यमपञ्चक एवं तिहारको तेस्रो दिन लक्ष्मीपूजा गर्ने वैदिक सनातनी परम्परा छ।
धर्मशास्त्रविद् प्रा. तोयराज नेपालका अनुसार सफासुग्घर र लिपपोत गरिएको घरमा मात्र लक्ष्मीले बास गर्छिन् भन्ने मान्यता रहेको छ। यसैअनुसार सरसफाइ गरी लक्ष्मीको पूजा गर्ने चलन छ। आज बिहानै घर सफासुग्घर गरेर गाईको गोबर र रातोमाटोले लिपपोत गरी दीपावली गरेर लक्ष्मीलाई आमन्त्रण गरिन्छ। विशेषगरी घरका झ्याल, ढोका, चोटा, कोठा, सङ्घार, कौसी, अटाली र भर्याङलगायत स्थानमा सरसफाइ गरी दीपावली गरिन्छ। यो पर्व दीपमालिका नामले पनि प्रशिद्ध छ।
स्रोतमा पूरा पढ्नुहोस् ( saralpatrika.com )
