इन्द्रेणीपोखरी फुटबल प्रतियोगिताको उपाधि आयोजकलाई

शुक्रबार सम्पन्न खेलमा इन्द्रेणीपोखरीले एक लाख नगदसहित ट्रफी, मेडल र प्रमाणपत्र पायो ।

खोटाङ — इन्द्रेणीपोखरी फुटबल प्रतियोगिताको उपाधि आयोजक इन्द्रेणीपोखरी ‘ए’ ले चुमेको छ । इन्द्रेणीपोखरीको आयोजनामा शुक्रबार सम्पन्न खेलमा विजेताले एक लाख नगदसहित ट्रफी, मेडल र प्रमाणपत्र पाएको हो ।

उपविजेता कट्टा फुटबल क्लब सावाकटहरेले नगद ७१ हजार, ट्रफी, मेडल र प्रमाणपत्र पाएको छ । त्यस्तै, सेमिफाइनलिस्ट इन्द्रेणीपोखरी ‘बी’ र बडकादियाले ‘ए’ ले नगद ३१–३१ हजारसहित मेडल र प्रमाणपत्र पाएका छन् ।

विधागततर्फ राइजिङ प्लेयर आयोजक इन्द्रेणीपोखरी ‘बी’ का १४ वर्षमुनिका खेलाडी अजय राई, बेस्ट गोलकिपरमा इन्द्रेणीपोखरी ‘ए’ कै शुभराज राई, हाइस्कोररमा इन्द्रेणीपोखरीकै सविन राई, बेस्ट कोचमा इन्द्रेणीपोखरीकै उदय राई, मिडफिल्डरमा कट्टा फुटबल क्लबका नरेश राई र उत्कृष्ट खेलाडीमा इन्द्रेणीपोखरी ‘ए’ का विजय राई घोषित भएका छन् ।

डम्बरसिं राई कान्तिपुरका खोटाङ संवाददाता हुन् ।