काठमाडौं : नेपाली कांग्रेसले सभापति गगनकुमार थापाविरुद्ध भ्रम छर्ने तथा षड्यन्त्र गर्न खोजिएको भन्दै कडा प्रतिवाद गर्ने निर्णय गरेको छ।
बिहीबार पार्टी कार्यालय सानेपामा बसेको कांग्रेस पदाधिकारी बैठकले राज्य संरक्षित व्यक्तिहरूमार्फत पार्टी र नेतृत्वविरुद्ध भ्रम तथा षड्यन्त्र सिर्जना गर्ने प्रयास भएको भन्दै त्यसको कडा प्रतिवाद र विरोध गर्ने निर्णय गरेको सहमहामन्त्री प्रकाश रसाइलीले जानकारी दिए। उनले यस विषयलाई संसद् तथा संसदीय समितिमा समेत कडा ढंगले उठाउने बताए। निर्वाचन नजिकिँदै जाँदा डिजाइन नै बनाएर अध्यावधिक र पार्टीको वैधानिकतासँग जोडेर भ्रम सिर्जना गर्न खोजिएको उनको उल्लेख थियो। साथै, राज्यले गर्ने छानबिनमा कांग्रेस पछि नहट्ने पनि उनले स्पष्ट पारे। बैठकले भोटेकोशी बाढीबाट प्रभावित क्षेत्रका नागरिकलाई सहयोग गर्ने विषयमा समेत सम्बन्धित क्षेत्रका सांसद तथा जनप्रतिनिधिहरूसँग छलफल गर्ने निर्णय गरेको उनले जानकारी दिए।
स्रोतमा पूरा पढ्नुहोस् ( annapurnapost.com )
