नेपाली कांग्रेसको इतर समूहले सिन्धुपाल्चोक जिल्ला सभापतिमा बाह्रबिसे नगरपालिकाका प्रमुख बालकृष्ण बस्नेतलाई सर्वसम्मत चयन गरेको छ।
सिन्धुपाल्चोक — नेपाली कांग्रेसको देउवा समूहको सिन्धुपाल्चोक जिल्ला सभापतिमा बाह्रबिसे नगरपालिकाका प्रमुख बालकृष्ण बस्नेतलाई सर्वसम्मत चयन गरेको छ।
इतर समूहको सोमबार बाह्रबिसेमा सम्पन्न जिल्ला अधिवेशनबाट बस्नेत सभापतिमा चयन भएका हुन्। अन्य जिल्ला, प्रदेशलगायतका सम्पूर्ण पदाधिकारीको बुधवार अन्तिम चयन गरिएको नव निर्वाचित सभापति बस्नेतले बताए । 'केही पदको बाँकी छ, अन्य लगभग बुधबार बेलुकासम्म सकाइकेका छौं,' उनले भने । उनी यसअघि कांग्रेसको क्षेत्रीय सभापतिसमेत थिए।
बस्नेतसहित अधिवेशनबाट उपसभापतिमा गोरखध्वज लामा र प्रदीप गुरुङ, सचिवमा नीराजन चौलागाईं र रामचन्द्र बुढाथोकी तथा सहसचिवमा रूपक पुरी चयन भएका छन्। कोषाध्यक्षमा सुजन पौडेल निर्विरोध चयन भएका छन्।
अधिवेशनले सदस्यहरूमा कुलबहादुर न्यौपाने, शेरबहादुर राय, श्यामसुन्दर पाख्रिन, विष्णुमाया तामाङ र अनिल तामाङलगायतलाई चयन गरेको छ।
अनिश तिवारी कान्तिपुरका सिन्धुपाल्चोक संवाददाता हुन् ।
