गत असोजको दोस्रो साता आएको अविरल वर्षाका कारण म्याग्दी नदीमा आएको बाढीले क्षतिग्रस्त भएको बेनी–दरबाङ–मुना सडक अन्तर्गत बालौटेमा अवरुद्ध सडक खुलाउन नयाँ ट्रयाक खोल्न सुरु गरिएको छ । म्याग्दीको मालिका गाउँपालिका ६ स्थित बालौटेमा म्याग्दी नदी कटानले करिब एकसय मिटर कालोपत्र सडक बगाएर क्षतिग्रस्त बनाउँदा यातायात पूर्णरुपमा अवरुद्ध भएको छ ।
सडक खुलाउन बुधबारदेखि अस्थायी मर्मतको काम सुरु भएको पूर्वाधार विकास कार्यालयका सूचना अधिकारी घनश्याम रोकामगरले बताउनुभयो । प्रदेश सरकार, स्थानीय तह र म्याग्दीखोला क्षेत्रमा निर्माणाधीन जलविद्युत् आयोजनाहरूको साझेदारीमा सडकको नयाँ ट्रयाक खोलेर यातायात सञ्चालनको तयारी गरिएको हो ।
Read full story at source ( gorkhapatraonline.com )
