कांग्रेसका पूर्वसभापति शेरबहादुर देउवा पक्षले १५औँ नियमित महाधिवेशनअन्तर्गत हालसम्म २४ जिल्लामा जिल्ला अधिवेशन सम्पन्न गरेको छ ।
काठमाडौँ — कांग्रेसका पूर्वसभापति शेरबहादुर देउवा पक्षले १५औँ नियमित महाधिवेशनअन्तर्गत हालसम्म २४ जिल्लामा जिल्ला अधिवेशन सम्पन्न गरेको छ । अधिवेशनबाट ती जिल्लामा नयाँ नेतृत्व चयन भएको छ ।
देउवा पक्षबाट जिल्ला सभापति निर्वाचित हुनेमा सङ्खुवासभामा रामकुमार जिमी, भोजपुरमा धर्मराज राई, हुम्लामा सूर्यबहादुर शाही र जुम्लामा नेत्रकला शाही छन् ।
त्यस्तै, मुगुमा तिलक मल्ल, रुकुम पश्चिममा नन्दबहादुर विष्ट, कालिकोटमा नगेन्द्र विष्ट, डोटीमा बाजीसिंह खड्का, बैतडीमा वीरबहादुर विष्ट र दैलेखमा दिनेशकुमार हमाल सभापति चयन भएका छन् ।
यसैगरी, दार्चुलामा सुरेन्द्र अवस्थी, सल्यानमा दीपक चन्द, धनुषामा कोमलकान्त झा, चितवनमा मिलनबाबु श्रेष्ठ, प्युठानमा देवेन्द्र बर्मा र कपिलवस्तुमा राजेश सिंह जिल्ला सभापति बनेका छन् ।
पर्वतमा यमबहादुर (रामकृष्ण) मल्ल, म्याग्दीमा हिराबहादुर पुन, रोल्पामा मानबहादुर खत्री, बारामा राजेश राय यादव, झापामा कृष्ण हुमागाईं, कास्कीमा ऋषिलाल काफ्ले, सिन्धुपाल्चोकमा बालकृष्ण बस्नेत र बझाङमा हर्कजंगबहादुर सिंह सभापति निर्वाचित भएका छन् ।
