काठमाण्डौ । पूर्वअर्थमन्त्री वर्षमान पुन ले नेपालले पछिल्लो समय ठूलो पूर्वाधार त बनाएको तर त्यसको आर्थिक प्रतिफल कमजोर रहेको बताएका छन्।
उनले हुलाकी, मध्यपहाडी र मदन भण्डारी राजमार्ग निर्माण भए पनि बजार विकास हुन नसकेको टिप्पणी गरे।
भारतको बढ्दो मध्यम वर्गलाई लक्षित गरेर नेपालमा ‘हिल स्टेशन’ र ‘विवाह गन्तव्य’ विकास गर्नुपर्ने सुझाव दिँदै उनले पर्यटनलाई आर्थिक वृद्धिको नयाँ आधार बनाउन आग्रह गरे।
ग्रामीण कृषि उपज बजारसम्म ल्याउन पूर्वाधार र सडक विस्तार आवश्यक रहेको उनको भनाइ थियो।
सरकारी संस्थान सुधारको उदाहरण दिँदै उनले जनक शिक्षा सामग्री केन्द्र र सरकारी बैंकहरूलाई नाफामा लैजान सफल भएको दाबी गरे। नेपाल वायुसेवा निगमलाई पनि कसरी बलियो बनाउने भन्नेमा गम्भीर बहस आवश्यक रहेको उनले बताए।
अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।
