नेपाल प्रिमियर लिग (एनपीएल) मा विराटनगर किङ्सले जनकपुर बोल्ट्ससामु १७५ रनको लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा जनकपुरले टस जितेर बलिङ रोजेपछि ब्याटिङ गरेको विराटनगरले निर्धारित ओभरमा ३ विकेट गुमाएर १७४ रनको योगफल तयार पारेको हो।
विराटनगरका लागि लोकेश बमले ५० र इमरान शेखले ५६ रन बनाए। एन्ड्री रुसेल ५२ रनमा नटआउट रहँदा शुभम रन्जानेले ७ रनको योगदान गरे। ओपनर शेहन जयसूर्या भने एक रनमा क्याच आउट भएका थिए।
विष्फोटक ब्याटिङ गरेका क्यारेबियन ब्याटर एन्ड्री रुसेलले २८ बलमा अर्धशतक पूरा गरे। ५ छक्का र २ चौका प्रहार गरेका उनी ५२ रनमा नटआउट रहे।
लोकेशले ३९ बलमा ३ छक्का र ३ चौकाको मद्दतमा अर्धशतक पूरा गरेका हुन्। इमरानले ४० बलमा ५ चौका र २ छक्काको मद्दतमा अर्धशतक पूरा गरेका हन्।
जनकपुरका लागि अभिशेख तिवारीले २ र मोइन अलीले एक विकेट लिए।
विराटनगर र जनकपुरको यो आआफ्नो चौथो खेल हो। जनकपुरको चार अंक छ भने विराटनगरको २ अंक छ।
प्रकाशित: १७ कार्तिक २०८३ १४:१० मंगलबार
