गएराति करिब ९ बजे हलेसी तुवाचुङ नगरपालिका–६ मंगलटारका कृष्णकुमार राईको घर जलेका हुन् ।
काठमाडौँ — विद्युत् चुहावट हुँदा हलेसी तुवाचुङ नगरपालिका–६ मङ्गलटारमा दुई घर जलेर नष्ट भएका छन् । गएराति करिब ९ बजे मङ्गलटारका कृष्णकुमार राईको घरमा जडान गरिएको विद्युत् फल्ट हुँदा उनका दुई घर जलेर नष्ट भएको हुन् ।
वैदेशिक रोजगारीको सिलसिलामा बेलायत रहेका कृष्णकुमारका श्रीमती तारा र कान्छा छोरामात्र बस्दै आएको उक्त घरमा गएराति आगलागी भएको स्थानीयले बताएका छन् । जस्तापाताको छाना तथा ढुङ्गामाटोले बनेको दुईतले घरमा आगलागी भएको छ ।
जनप्रतिनिधि, स्थानीयवासी र प्रहरी टोलीले आगलागी नियन्त्रणमा लिएको जेठा छोरा रम्बोहाङ राईले जानकारी दिए । आगलागीका घटनाको यकिन विवरण आउन बाँकी रहेको जिल्ला प्रहरी कार्यालय खोटाङका प्रमुख प्रहरी नायब उपरीक्षक प्रकाश बुढाथोकीले जानकारी दिए ।
(1).png)
