अलपत्र मुडे–कालापानी सडकको ठेक्का तोड्ने तयारी

चरीकोट, कात्तिक १३ गते । दोलखाको प्रसिद्ध पर्यटकीयस्थल शैलुङ जोड्ने मुडे–बाघखोर–कालापानी सडक निर्माणमा चरम ढिलासुस्ती र लापर्बाही भएपछि पूर्वाधार विकास कार्यालय दोलखाले ठेक्का तोड्ने तयारी गरेको छ ।

पटक पटक म्याद थप्दा र नियम अनुसारको अधिकतम जरिबाना अवधिसमेत गुज्रिँदा पनि काम पूरा नभएपछि कार्यालय ठेक्का तोड्ने निष्कर्षमा पुगेको हो । बागमती प्रदेश सरकारको ३३ करोड ७७ लाख ५४ हजार रुपियाँ लागतमा निर्माणाधीन १६ किलोमिटर सडकखण्डको ठेक्का महालक्ष्मी–दी कन्चनजङ्गा–शुभकामना जेभीले लिएको थियो । २०७६ असार ४ गते पूर्वाधार कार्यालय सिन्धुपाल्चोकसँग सम्झौता भएको थियो । दुई वर्षअगाडि पूर्वाधार कार्यालय दोलखा स्थापना भएपछि कार्यालयले निर्माण व्यवसायीलाई ताकेता गर्दा पनि निर्माण व्यवसायीले काम नगर्दा सो सडक अझै अलपत्र छ ।

Read full story at source ( gorkhapatraonline.com )