काठमाडौँ। नेपाली कम्युनिस्ट पार्टी (नेकपा) ले दुई महिने राष्ट्रिय जागरण अभियान सुरु गरेको छ। अभियानको नेकपाका संयोजक पुष्पकमल दाहाल र सहसंयोजक माधवकुमार नेपालले शनिबार पार्टी कार्यालय पेरिसडाँडाबाट सुरुवात गरेका छन्।
अभियान अन्तर्गत उक्त पार्टीका केन्द्रीय नेताहरूको नेतृत्वको टोली गाउँ, वडा र टोलसम्म पुग्नेछन् । त्यसक्रममा उनीहरुले किसान, श्रमजीवी, मजदुर, युवा, विद्यार्थी, महिला, दलित, आदिवासी जनजाति, मधेसी, थारू, अल्पसङ्ख्यक समुदाय, फरक क्षमता भएका नागरिक, पिछडिएका क्षेत्रका जनता, बुद्धिजीवी, शिक्षक, कर्मचारी, उद्यमी तथा व्यवसायीसँग प्रत्यक्ष संवाद गर्ने संयोजक प्रचण्डले जानकारी दिए । उनका अनुसार अभियानका क्रममा नेता कार्यकर्ताहरूले जनताका समस्या, गुनासा, सुझाव र आलोचना सुन्नेछन् ।
स्रोतमा पूरा पढ्नुहोस् ( ratopati.com )
