हिलो, मैलो र कालो बादल हटी शीतल शरद्को याम आएपछि
बच्चाबच्ची, बुढाबुढीहरूका मुहारमा उज्यालो घाम आएपछि
पिङ खेल्दै, रातो टीका लाउँदै साँच्चै आउँला दसैँ सद्भावको,
हरेक स्त्रीका मनमा दुर्गा र पुरुषका चेतनामा राम आएपछि।
दम्भ धेरै गर्यो भन्ने आफ्नै क्षय हुन्छ
दीर्घायुको कामना गर्नेहरू छन् यहाँ।
खानै नहुने वस्तुहरू पनि अन्न भइरहेछन्
सत्ताको नजिकमा बस्ने नै टन्न भइरहेछन्
मान्छे खाने बाघहरू बलशाली बनिरहँदा,
झुटाका अघि सच्चा मरणासन्न भइरहेछन्।
प्रकाशित: ६ कार्तिक २०८३ ०९:५० शुक्रबार
