नेपाल ट्रस्टको कार्यालयले पोखरास्थित आफ्नो स्वामित्वको सम्पत्ति लिजमा दिन कुनै टेन्डर प्रक्रिया खुला नगरेको स्पष्ट पारेको छ । सम्पत्तिको व्यावसायिक उपयोग र संरक्षणको सम्भावनाबारे सरोकारवालासँग प्रारम्भिक राय–परामर्श मात्रै गरिएको भए पनि लिजमा दिन लागिएको भन्दै आम नागरिकमा भ्रम सिर्जना गरिएको ट्रस्टको भनाइ छ ।
ट्रस्टका प्रवक्ता रमेशबहादुर बस्नेतले हालसम्म कुनै टेन्डर आह्वान नभएको र लिजमा दिने निर्णय समेत नभएको बताउनुभयो । गोरखापत्रसँग कुरा गर्नुहुँदै उहाँले पोखरामा रहेका सम्पत्तिको उचित उपयोग र संरक्षणका लागि सम्भावित विकल्पबारे अध्ययन तथा सरोकारवालासँग राय–परामर्श गर्ने काम मात्र भइरहेको उल्लेख गर्नुभयो ।
स्रोतमा पूरा पढ्नुहोस् ( gorkhapatraonline.com )