नेपाल एयरलाइन्समार्फत भोलि दिउँसो भारत पुग्ने शाहलाई राज्यमन्त्री जितिन प्रसादले स्वागत गर्नेछन् र साँझ विदेशमन्त्रीले शिष्टाचार भेट गर्नेछन्।
काठमाडौँ — प्रधानमन्त्री वालेन्द्र शाह भारतका प्रधानमन्त्रीको निमन्त्रणामा आज दुईदिने राजकीय भ्रमणका लागि भारत प्रस्थान गर्दैछन् । भ्रमणका क्रममा उनले भारतीय उच्च अधिकारीहरूसँग भेटघाट गर्ने कार्यक्रम रहेको छ ।
प्रधानमन्त्री शाह नेपाल एयरलाइन्सको उडानमार्फत् दिउँसो ३ ४५ बजे भारतको इन्दिरा गान्धी अन्तर्राष्ट्रिय विमानस्थलमा अवतरण गर्नेछन् । विमानस्थलमा उनलाई भारत सरकारका उद्योग तथा वाणिज्य राज्यमन्त्री जितिन प्रसादले स्वागत गर्ने कार्यक्रम रहेको छ ।
विमानस्थलबाट प्रधानमन्त्री शाह सिधै होटल ताजमहल पुग्नेछन् । होटलमा साँझ ६ बजे भारतका विदेशमन्त्रीले प्रधानमन्त्री साहसँग शिष्टाचार भेट गर्ने कार्यक्रम तय भएको छ ।