Trending
Prev Story
Next Story

भ्रष्टाचार सधैँका लागि अन्त्य गर्ने अभियानमा छु : सभामुख अर्याल

Nagarik News •
November 21, 2026 • 04:30 PM
4
4 reads 0 reactions

प्रतिनिधिसभाका सभामुख डोलप्रसाद अर्यालले देश समृद्ध बनाउन र भ्रष्टाचार सधैँका लागि अन्त्य गर्न भ्रष्टाचारमुक्त समाज निर्माणको अभियानमा लागेको बताएका छन्।

भ्रष्टाचार सधैँका लागि अन्त्य गर्ने अभियानमा छु : सभामुख अर्याल

प्रतिनिधिसभाका सभामुख डोलप्रसाद अर्यालले देश समृद्ध बनाउन र भ्रष्टाचार सधैँका लागि अन्त्य गर्न भ्रष्टाचारमुक्त समाज निर्माणको अभियानमा लागेको बताएका छन्।

शनिबार लायन्स क्लब अफ पोखराको ५०औँ वर्षको अवसरमा आयोजित स्वर्ण महोत्सवलाई सम्बोधन गर्दै उनले देशमा सुशासन कायम गरी भ्रष्टाचारलाई सधैँका लागि अन्त्य गर्ने बृहत् अभियानका साथ सदनलाई प्रभावकारी बनाउने कार्यमा आफू जुटेको बताए।

राजनीतिमा प्रवेश गरेसँगै इमानदारीपूर्वक, जनहित र राष्ट्रलाई केन्द्रमा राखेर काम गरिरहेको बताउँदै सभामुख अर्यालले भने, ‘यो देशमा भ्रष्टाचार सधैँका लागि अन्त्य गर्नका लागि एउटा योजना र सोच लिएर अभियानमा जुटेको छु।’ सुशासनको प्रत्याभूति भएमा मात्रै वर्तमान र भावी पुस्ता सुरक्षित रहने उनको भनाइ छ।

सभामुख अर्यालले भने, ‘हामीले यो देशमा सुशासन कायम गर्‍यौँ भने हामीसँगै हाम्रा सन्तान र परिवार, समाज सधैँ सुरक्षित हुनेछौँ।’ आसन्न संसद्को कामकारबाहीलाई मर्यादित र नतिजामुखी बनाउने विषयमा चर्चा गर्दै उनले भने, ‘अब सदन सुरु हुँदैछ, सदनलाई सकारात्मक र नतिजामुखी बनाउन सहकार्य र समन्वयलाई जोड दिनेछु। यसका लागि तपाईंहरूबाट थुप्रै प्रेरणा प्राप्त गरेको छु।’

कानुन निर्माण गर्दा देशको भूगोल सुहाउँदो, अभिभावक तथा अग्रजको सम्मान हुने र भावी पुस्ताले गर्व गर्न सक्ने व्यवस्था समेटिनुपर्ने सभामुख अर्यालले बताए। प्रतिनिधिसभा र राष्ट्रियसभाका सदस्यसहित ३३४ जना सांसदले कानुन निर्माणमा भूमिका निर्वाह गर्ने उल्लेख गर्दै उनले प्रदेश र स्थानीय तहका जनप्रतिनिधिसम्म कानुन निर्माणको विषय सार्वजनिक हुने बताए।

सभामुख अर्यालले देशलाई आर्थिक रूपमा समृद्ध बनाउन निजी क्षेत्रको सुदृढीकरण गर्नुपर्ने आवश्यकता औँल्याए। उनले भने, ‘जबसम्म हामी निजी क्षेत्रलाई बलियो बनाउन सक्दैनौँ, तबसम्म देश समृद्ध हुन सक्दैन।’

लायन्स क्लबमा शिक्षा, स्वास्थ्य, पर्यटन, कृषि र व्यवसायलगायत समाजका विविध क्षेत्रका सफल व्यक्तित्व, अग्रज तथा जनप्रतिनिधिको आबद्धता रहेको सभामुख अर्यालले स्मरण गरे। उनले लायन्स क्लबमा विद्यार्थी, प्राध्यापक, नर्स, चिकित्सक, व्यवसायी, कृषक, मजदुर, गैरआवासीय नेपाली र जनप्रतिनिधि सबै क्षेत्रको प्रतिनिधित्व रहेको बताए। रासस

प्रकाशित: ५ मंसिर २०८३ २२:१५ शनिबार

Prev Swipe Story Next

Same Story from Other Publications

Compare how 5 other independent news outlets reported on this story.

5 Publications
Hamro Patro News
5h ago
देश समृद्ध बनाउँदै भ्रष्टाचार अन्त्य गर्ने अभियान छु : सभामुख अर्याल

देश समृद्ध बनाउँदै भ्रष्टाचार अन्त्य गर्ने अभियान छु : सभामुख अर्याल

पोखरा – प्रतिनिधिसभा सभामुख डोलप्रसाद अर्यालले देश समृद्ध बनाउन र भ्रष्टाचार सधैँका लागि अन्त्य गर्न भ्रष्टाचारमुक्त समाज निर्माणको अभियानमा लागेको बताएका छन् । शनिबार लायन्स क्लब अफ पोखराको ५०औँ ...

#भ्रष्टाचार #अभियान #सभामुख
Compare →
Onlinekhabar
1d ago
निजी क्षेत्र बलियो नभएसम्म देश धनी हुन सक्दैन : सभामुख अर्याल

निजी क्षेत्र बलियो नभएसम्म देश धनी हुन सक्दैन : सभामुख अर्याल

५ मंसिर, काठमाडौं । सभामुख डोलप्रसाद अर्यालले देशलाई समृद्ध बनाउने साझा लक्ष्य पूरा गर्न सबैले ध्यानकेन्द्रित गर्नुपर्ने बताएका छन् । शनिबार लायन्स क्लब अफ पोखराको ५० औं स्वर्ण महोत्सवलाई सम्बोधन गर्दै सभामुख अर्यालले देशबाट भ्रष्टाचार अन्त्य …

#सभामुख #अर्याल
Compare →
Ekantipur
3d ago
सभामुख अर्यालसँग चिनियाँ जनसंघका अध्यक्ष वानमिङको भेट

सभामुख अर्यालसँग चिनियाँ जनसंघका अध्यक्ष वानमिङको भेट

सभामुख डोलप्रसाद (डीपी) अर्यालसँग नेपाल भ्रमणमा रहेका चिनियाँ जनसंघका अध्यक्ष याङ वानमिङले शिष्टाचार भेट गरेका हुन् ।

#सभामुख #अर्याल
Compare →
Bizshala
3d ago
अभियान इन्भेस्टमेन्ट ग्रुपले १० प्रतिशत बोनस र १० प्रतिशत नगद लाभांश दिने

अभियान इन्भेस्टमेन्ट ग्रुपले १० प्रतिशत बोनस र १० प्रतिशत नगद लाभांश दिने

काठमाडौँ । अभियान इन्भेस्टमेन्ट ग्रुप अफ नेपाल लिमिटेडले सेयरधनीलाई १० प्रतिशत सेयर लाभांश र १० प्रतिशत नगद लाभांश...

#अभियान
Compare →
Arthasansar
1w ago
इरानी सभामुखको चेतावनी : होर्मुज कहिल्यै पहिलेको अवस्थामा नफर्कन सक्छ

इरानी सभामुखको चेतावनी : होर्मुज कहिल्यै पहिलेको अवस्थामा नफर्कन सक्छ

इरानका सभामुख तथा प्रमुख वार्ताकार मोहम्मद बागर गालिबफले अमेरिका र इजरायलसँगको युद्धअघिको अवस्थामा स्ट्रेट अफ होर्मुज ‘कहिल्यै नफर्कने’ बताएका छन्। अल...

#सभामुख
Compare →

Related Stories

Politics & Governance
Build #2612