Trending
Prev Story
Next Story

बोराभित्र १ करोड ६७ लाख लुकाएर लैजाँदै गरेका तीन जना पक्राउ

Bizshala •
November 17, 2026 • 01:34 PM
1
1 reads 0 reactions

काठमाण्डौ । ललितपुरको नख्खु क्षेत्रमा बोराभित्र ठूलो परिमाणमा नगद रकम राखेर गाडीमा लैजाँदै गरेका तीन जनालाई...

बोराभित्र १ करोड ६७ लाख लुकाएर लैजाँदै गरेका तीन जना पक्राउ

काठमाण्डौ । ललितपुरको नख्खु क्षेत्रमा बोराभित्र ठूलो परिमाणमा नगद रकम राखेर गाडीमा लैजाँदै गरेका तीन जनालाई प्रहरीले पक्राउ गरेको छ।

काठमाण्डौ उपत्यका अपराध अनुसन्धान कार्यालयको टोलीले मंगलबार बिहान ललितपुर महानगरपालिका–२ स्थित नख्खु चोकबाट स्रोत नखुलेको १ करोड ६७ लाख ३३ हजार २३० रुपैयाँसहित तीन जनालाई नियन्त्रणमा लिएको हो।

प्रहरीका अनुसार पक्राउ परेकाहरू पशुपतिनाथ पराग सप्लायर्स नामक कम्पनीमा कार्यरत कर्मचारी हुन्। उनीहरूले बा.प्र. १–०२७ च २७६५ नम्बरको भ्यानमा बोराभित्र नगद रकम राखेर लैजाँदै गरेको अवस्थामा प्रहरीले फेला पारेको हो।

मंगलबार बिहान करिब १०ः१५ बजे उक्त भ्यानमा ठूलो परिमाणको नगद ओसारपसार भइरहेको विशेष सूचना प्राप्त भएपछि अपराध अनुसन्धान कार्यालयको टोली परिचालन गरिएको थियो।

प्रहरीले भ्यान रोकेर जाँच गर्दा बोराभित्र विभिन्न दरका नेपाली नोट फेला पारेको हो।

पक्राउ पर्नेहरूमा भोजपुर घर भई हाल कोटेश्वर बस्ने ३० वर्षीय दीपक खड्का, ललितपुरको गोदावरी बस्ने ३२ वर्षीय जयराम केसी र काठमाण्डौको बानेश्वर बस्ने २९ वर्षीय प्रज्वल रिजाल रहेका छन्।

दीपक उक्त कम्पनीको मार्केटिङसम्बन्धी काम हेर्ने कर्मचारी हुन् भने जयराम भ्यान चालक र प्रज्वल सामान लोड गर्ने कर्मचारीका रूपमा कार्यरत रहेको खुलेको छ।

काठमाण्डौ उपत्यका अपराध अनुसन्धान कार्यालयका एसएसपी सन्तोष खड्काका अनुसार विशेष सूचनाका आधारमा गरिएको कारबाहीमा उनीहरूलाई नगदसहित नियन्त्रणमा लिइएको हो।

बरामद रकममध्ये १ करोड ९ लाख ८७ हजार रुपैयाँ एक हजार दरका नोट मात्रै छन्। बाँकी ५७ लाख ४६ हजार २३० रुपैयाँ भने पाँच सय, एक सय, पचास, बीस, दस र पाँच रुपैयाँ दरका नोट रहेका छन्।

यति ठूलो परिमाणको नगद रकम कुन प्रयोजनका लागि कहाँ लैजान लागिएको थियो भन्ने विषय अझै खुल्न सकेको छैन। रकमको वास्तविक स्रोत र गन्तव्यबारे समेत प्रहरीले अनुसन्धान गरिरहेको छ।

विशेषगरी व्यावसायिक कम्पनीका कर्मचारीले बोराभित्र राखेर यति ठूलो रकम ओसारपसार गरिरहेको भेटिएपछि उक्त रकमको वैधानिक स्रोत र कारोबारको प्रकृतिबारे प्रश्न उठेको छ।

यद्यपि, बरामद रकम अवैध कारोबार वा हुण्डीसँग सम्बन्धित रहेको पुष्टि भइसकेको छैन। रकमको स्रोत तथा ओसारपसारको उद्देश्यबारे अनुसन्धानपछि मात्रै वास्तविकता खुल्ने प्रहरीले जनाएको छ।

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story

Same Story from Other Publications

Compare how 2 other independent news outlets reported on this story.

2 Publications
Hamro Patro News
3h ago
बोराभित्र एक करोड ६७ लाख राखेर लैजाँदै गरेका तीन जना नख्खुबाट पक्राउ

बोराभित्र एक करोड ६७ लाख राखेर लैजाँदै गरेका तीन जना नख्खुबाट पक्राउ

बोराभित्र एक करोड ६७ लाख राखेर लैजाँदै गरेका तीन जनालाई प्रहरीले ललितपुरको नख्खुबाट पक्राउ गरेको छ। काठमाडौं उपत्यका अपराध अनुसन्धान कार्यालयको टोलीले स्रोत नखुलेको उक्त रकमसहित तीन जनालाई पक्राउ ...

#बोराभित्र #ललितपुर #नख्खु
Compare →
Onlinekhabar
3h ago
ललितपुरमा भ्यानभित्र बोराभरी पैसा, ३ जना पक्राउ

ललितपुरमा भ्यानभित्र बोराभरी पैसा, ३ जना पक्राउ

१ मंसिर, काठमाडौं । ललितपुरबाट ठूलो रकमसहित तीन जना पक्राउ परेका छन् । काठमाडौं उपत्यका अपराध अनुसन्धान कार्यालयको टोलीले तीन जनालाई पक्राउ गरेको हो । पक्राउ पर्नेहरूमा भोजपुर नगरपालिका–३ घर भएका ३० वर्षीय दीपक खड्का, गोदावरी …

#काठमाडौं #ललितपुर
Compare →

Related Stories

National (Nepal)
Build #2612