Trending
Prev Story
Next Story

के भएको हो अनिल सिंहलाई ? शुभचिन्तकहरूले गरे ‘स्वास्थ्यलाभको कामना’

Onlinekhabar •
November 17, 2026 • 09:00 AM
3
3 reads 0 reactions

वि.सं. ५० को दशकमा उनका गीतले युवापुस्ताको हृदयमा प्रेमिल झङ्कार पैदा गरिदिन्थे । ‘डुब्न देऊ मलाई’, ‘तिम्रो त्यो नयनमा’, ‘इन्जिन गाडीमा’, ‘सक्छौ भने विष देऊ’ जस्ता गीतमा उनीहरू आफ्ना भावना व्यक्त भएको महसुस गर्थे । त्यसैले, …

के भएको हो अनिल सिंहलाई ? शुभचिन्तकहरूले गरे ‘स्वास्थ्यलाभको कामना’

वि.सं. ५० को दशकमा उनका गीतले युवापुस्ताको हृदयमा प्रेमिल झङ्कार पैदा गरिदिन्थे । ‘डुब्न देऊ मलाई’, ‘तिम्रो त्यो नयनमा’, ‘इन्जिन गाडीमा’, ‘सक्छौ भने विष देऊ’ जस्ता गीतमा उनीहरू आफ्ना भावना व्यक्त भएको महसुस गर्थे ।

त्यसैले, त क्यासेट प्लेयर र सीडीमा यी गीत खोजीखोजी खरिद गर्थे । धीत मरुन्जेल सुन्थे र प्रेमस्वरूप उपहार आदानप्रदान गर्थे ।

यी गीतमा जादुमयी आवाज भरिएको हुन्थ्यो । र, त्यो आवाज अनिल सिंहको थियो ।

अनिल सिंह, कुनै समयका सर्वप्रिय गायक । क्यासेट र सीडीमा मात्र होइन, उनलाई प्रत्यक्ष सुन्न चाहने जमात पनि कम थिएन ।

त्यसैले, त कन्सर्टमा उनलाई हेर्न र सुन्न युवा दर्शकको ओइरो लाग्थ्यो ।

रोमान्टिक पप संगीतबाट अनिलले छुट्टै चिनारी बनाए । उनको आवाजको विशिष्टताले युवापुस्तालाई लठ्ठै बनाइदियो । फरक स्वर, आधुनिक भाका र प्रेमिल भावका गीतका कारण उनले नेपाली संगीतमा आफ्नो छुट्टै मुकाम बनाए ।

खिपेर प्रेमपत्र लेख्ने, मायाका शब्दले अटोग्राफ भर्ने त्यो जमानामा उनले ‘आई लभ यू’, ‘प्रेमपत्र’, ‘डुब्न देऊ मलाई’ जस्ता गीत ल्याए, जुन युवामनको ढुकढुकी बने । फरक शैलीको ‘इन्जिन गाडीमा’ले भने उनको गायकीलाई अर्को उचाइमा पुर्‍यायो ।

उनी गीत गाउन मात्र होइन, लेख्न र संगीत भर्न पनि उत्तिकै सिपालु छन् । अर्थात्, उनी संगीतको सम्पूर्ण प्याकेज थिए ।

उनले आफ्ना सिर्जनामा आधुनिक धुन, पश्चिमेली संगीतको रस र नेपालीपनको सुमधुर समायोजन गरेको पाइन्छ ।

स्टेज शोमा पनि उत्तिकै माग हुने अनिल पछिल्लो समय भने एकाएक ओझेलमा परे । कहाँ गए ? के गर्दैछन् ? भन्ने चासोबीच उनी गुपचुपजस्तै रहे ।

प्रेमिल र अजम्बरी गीतहरूको थुप्रो लगाएका अनिल पछि एकाएक फरक संघर्षबाट गुज्रिँदै चर्चामा आए । खासमा उनी आफ्नै गीतको डिजिटल अधिकारका लागि ठूलो संघर्ष गरिरहेको बताउँथे ।

संगीत करियरको डेढ दशक लामो यात्रापछि उनी आफ्ना सिर्जनामा आफ्नो अधिकार खोज्दै सार्वजनिक रूपमा प्रस्तुत भए । अन्ततः यसमा उनले बाजी जिते ।

आफूले सिर्जना गरेका २२ वटा गीतको डिजिटल अधिकार उनले फिर्ता पाए । तर, त्यसपछि पनि उनी आफ्नो पुरानै लयमा भने फर्किएनन् ।

केही अन्तर्वार्ता र स्टेज कार्यक्रममा देखिएका उनी फेरि कतै हराए । कहाँ गए त अनिल सिंह  ?

अनिल सिंहले भर्खरै आफ्नो फेसबुक पेजमा एउटा भिडियो सन्देश जारी गरेका छन् । त्यसमा उनले एउटा पीडादायी घटनाबारे उल्लेख गरेका छन् । उनी भन्छन्, ‘म चेन स्मोकर थिएँ । मेरो खुट्टामा समस्या देखियो । जब डाक्टरले मेरो खुट्टा काट्नुपर्ने हुन सक्छ भन्नुभयो, तब म अस्ट्रेलिया आइपुगेँ ।’

उनले यसका पछाडि र अगाडिका घटनाक्रमलाई जोड्दै भिडियो सन्देश जारी गरेका हुन् । उनको भनाइ यहाँ जस्ताको तस्तै प्रस्तुत गरिएको छ ।

‘यतिबेला म अस्ट्रेलियामा सांगीतिक टुरमा छु । आज म हजुरहरूसामु आफ्नो व्यक्तिगत कुरा खोल्न आएको छु । आफ्नो जीवनमा गरेको गल्तीका लागि माफी माग्न र व्यक्तिगत संघर्षका कुरा साझा गरेर केही राहत महसुस गर्न आएको हुँ ।

जब डाक्टरले अब मेरो खुट्टा काट्नुपर्ने हुन सक्छ भन्नुभयो, त्यसपछि म नेपालबाट यहाँ आइपुगेँ । यहाँ आउनुअघि म सामान्य उपचार गराइरहेको थिएँ ।

खुट्टामा समस्या देखिएपछि अस्पताल पुगेँ । चिकित्सकले मेरो पूरै शरीरको जाँच गर्नुभयो । त्यसपछि मात्रै मैले आफ्नो स्वास्थ्य समस्याको कारण थाहा पाएँ ।

म अत्यधिक धूम्रपान गर्ने व्यक्ति थिएँ, चेन स्मोकर । चिकित्सकले अत्यधिक धूम्रपानकै कारण खुट्टामा यस्तो समस्या आएको बताउनुभयो र तत्काल चुरोट छाड्न सल्लाह दिनुभयो ।

मलाई काठमाडौंमा बसेर अब सम्भव छैन भन्ने लाग्यो । यही बेला अस्ट्रेलियाको टुरको कुरा आयो । बुधबार मैले बायोमेट्रिक दिएँ, बिहीबार भिसा लाग्यो । यो मेरा लागि कुनै चमत्कारभन्दा कम थिएन । बिहीबार नै म हतारहतार यहाँ आएँ । तास्मानिया पुगेँ र त्यहाँ कार्यक्रम गरेँ । कार्यक्रम राम्रो भयो, दर्शकको माया पनि पाएँ ।

पहिले म दिनमा चार–पाँच बट्टा चुरोट खान्थेँ । अहिले दुई खिल्लीमा झारेको छु । धूम्रपान नियन्त्रण गर्ने प्रयास गरिरहेको छु ।

मैले आफ्नो स्वास्थ्यसँग खेलबाड गरें

जीवन अनिश्चित छ । कुनै पनि बेला जे पनि हुन सक्छ भन्ने लाग्छ । भोलि मलाई केही भयो भने त्यसको दोष अरू कसैलाई जाने छैन । मैले नै आफ्नो स्वास्थ्यमा खेलबाड गरेको हुँ ।

यसका लागि म आफ्ना चिकित्सक डा. दीपेश शाक्यलाई धन्यवाद दिन चाहन्छु । अहिले पनि म औषधि सेवन गरिरहेको छु । म जीवनको कुनै पनि पल गुमाउन चाहन्नँ । त्यसैले सबैलाई भन्न चाहन्छु, धूम्रपान छाड्नुहोस् ।

मसँगै अस्ट्रेलिया आउनुभएका प्रकाश सपूत र रचना रिमालले पनि मेरो निकै हेरचाह गर्नुभयो । उहाँहरू दुवैलाई विशेष धन्यवाद दिन चाहन्छु ।

अब हाम्रो अर्को कार्यक्रम एडिलेडमा हुनेछ । त्यहाँको कार्यक्रममा चाहिँ म सधैँका लागि धूम्रपान छाड्ने प्रण गरेर जानेछु ।

भोलिका दिनमा यी कुरा फेरि यसरी पोख्न पाउँछु कि पाउँदिनँ, थाहा छैन । तर जति बाँच्नेछु, गीत गाइरहनेछु । आफ्ना कुरा साझा गरिरहनेछु, संगीतले जोडिरहनेछु र संगीतबाटै सबैलाई रुझाइरहनेछु । मेरो लागि प्रार्थना गरिरहनुहोस् ।’

यस्तो छ उनको १२ घण्टा अघि हालिएको भिडियो सन्देश:

अनलाइनखबरकर्मी संवाददाता थापा स्वास्थ्य र जीवनशैली विषयमा लेख्छिन् ।

Prev Swipe Story Next

Same Story from Other Publications

Compare how 3 other independent news outlets reported on this story.

3 Publications
Nagarik News
23h ago
रास्वपा सांसद अमरेश कुमार सिंहले सुरु गरे मेची महाकाली पदयात्रा, रविले गरे बिदाइ

रास्वपा सांसद अमरेश कुमार सिंहले सुरु गरे मेची महाकाली पदयात्रा, रविले गरे बिदाइ

राष्ट्रिय स्वतन्त्र पार्टीका सांसद डा. अमरेश कुमार सिंहले मेची महाकाली पदयात्रा सुरु गरेका छन् ।

#सिंह
Compare →
Ekantipur
1d ago
रास्वपा सांसद अमरेश सिंहको पदयात्रा सुरु, सभापति लामिछानेले गरे बिदाई

रास्वपा सांसद अमरेश सिंहको पदयात्रा सुरु, सभापति लामिछानेले गरे बिदाई

मेची–महाकाली पदयात्रामा हिँडेका सांसद सिंहलाई रास्वपा सभापति रवि लामिछानेले जनकपुरको जानकी मन्दिर प्रांगणबाट बिदाई गरेका हुन् ।

#सिंह
Compare →
Hamro Patro News
3d ago
डा. अनिलको उपचार अनुभव : आँखाको ज्योति गुमेको थाहा पाएपछि ती महिलालाई श्रीमानले छाडिदिए

डा. अनिलको उपचार अनुभव : आँखाको ज्योति गुमेको थाहा पाएपछि ती महिलालाई श्रीमानले छाडिदिए

डा. अनिलको उपचार अनुभव : आँखाको ज्योति गुमेको थाहा पाएपछि ती महिलालाई श्रीमानले छाडिदिए १ मिनेट अघि नेत्ररोग विशेषज्ञ डा. अनिल पराजुलीले शल्यक्रिया गरी ३५ हजारभन्दा बढी व्यक्तिको आँखाको ज्योति फर...

#अनिल
Compare →

Related Stories

Technology
Build #2612