Trending
Prev Story
Next Story

छठ घाटमा पुगेका गगन, रवि र सभामुखलाई ज्ञानेन्द्रको आग्रह : हिन्दु राष्ट्र पुनःस्थापनाका लागि अघि बढौँ

Nagarik News •
November 16, 2026 • 03:11 AM
4
4 reads 0 reactions

राष्ट्रिय प्रजातन्त्र पार्टी (राप्रपा) संसदीय दलका नेता ज्ञानेन्द्र शाहीले नेपालमा हिन्दु राष्ट्र पुनःस्थापनाका लागि संसदबाटै विधेयक पारित गराउन पहल गर्न आग्रह गरेका छन्।

छठ घाटमा पुगेका गगन, रवि र सभामुखलाई ज्ञानेन्द्रको आग्रह : हिन्दु राष्ट्र पुनःस्थापनाका लागि अघि बढौँ

राष्ट्रिय प्रजातन्त्र पार्टी (राप्रपा) संसदीय दलका नेता ज्ञानेन्द्र शाहीले नेपालमा हिन्दु राष्ट्र पुनःस्थापनाका लागि संसदबाटै विधेयक पारित गराउन पहल गर्न आग्रह गरेका छन्।

छठ पर्वका अवसरमा प्रतिपक्षी दलका सभापति गगन थापा, सत्तापक्षका सभापति रवि लामिछाने र सभामुख डोलप्रुाद अर्यालले विभिन्न स्थानमा पुगेर आस्था प्रकट गरेको प्रसंग उल्लेख गर्दै उक्त आग्रह गरेका हुन्। उनीहरूले देखाएको धर्म, संस्कार र संस्कृतिप्रतिको आस्था राम्रो भएको पनि शाहीले बताए।

उनले धर्म र संस्कृतिप्रति आस्था राख्ने राजनीतिक नेतृत्वलाई हिन्दु राष्ट्र पुनःस्थापनाका लागि अब ढिलाइ नगर्न आग्रह गरेका छन्।

'छठ पर्वका नाममा प्रतिपक्षी दलका सभापति गगन थापा, सत्तापक्षका सभापति रवि लामिछाने र देशका सभामुखज्यूले विभिन्न ठाउँमा पुगेर आस्था प्रकट गर्नुभएको देखियो। धर्म, संस्कार र संस्कृतिप्रतिको यो आस्था साँच्चै राम्रो कुरा हो,' सामाजिक सञ्जालमार्फत शाहीले भने, 'अब तपाईंहरूलाई मेरो आग्रह छ– नेपालको हिन्दु राष्ट्र पुनःस्थापनाका लागि आगामी संसद्बाटै विधेयक पारित गराउन पहल गर्नुस्। धर्म र संस्कृतिप्रति यति धेरै आस्था रहेछ भने अब ढिलो किन गर्ने? छिटोभन्दा छिटो हिन्दु राष्ट्र पुनःस्थापनाका लागि अघि बढौँ।'

त्यस्तै, सुनसरीको कप्तानगञ्जमा आफ्नो धर्म र परम्पराअनुसार पूजा गरिरहेका तीन युवालाई गोली हानी हत्या गरिएको घटनामा संलग्न प्रहरी अधिकारी र गोली चलाउन आदेश दिने तत्कालीन गृहमन्त्रीलाई कानुनी कठघरामा उभ्याएर कारबाही गर्न पनि उनले माग गरेका छन्।

प्रकाशित: ३० कार्तिक २०८३ ०८:५६ सोमबार

Prev Swipe Story Next

Same Story from Other Publications

Compare how 2 other independent news outlets reported on this story.

2 Publications
Hamro Patro News
1d ago
पाकिस्तानको बाढी पुनःस्थापनाको अनुभवबाट नेपालले सिक्न सक्छ: डा. धर्मराज उप्रेती

पाकिस्तानको बाढी पुनःस्थापनाको अनुभवबाट नेपालले सिक्न सक्छ: डा. धर्मराज उप्रेती

टर्किए । राष्ट्रिय विपद् जोखिम न्यूनीकरण तथा व्यवस्थापन प्राधिकरणका प्रमुख कार्यकारी अधिकृत डा. धर्मराज उप्रेतीले भोटेकोशी–त्रिशूली बाढीबाट प्रभावित समुदायको पुनःस्थापना र पुनर्निर्माणका लागि नेपाल...

#पुनःस्थापना
Compare →
Ekantipur
2h ago
गगन थापाद्वारा घडिअर्वा छठ घाटमा छठी माताको दर्शन

गगन थापाद्वारा घडिअर्वा छठ घाटमा छठी माताको दर्शन

पत्नीसमेत साथमा रहेका थापा बिहानै घडिअर्वा छठ घाट पुगेर व्रतालुहरूमार्फत छठी माताको पूजा तथा दर्शन गरेका हुन्।

#घाट #गगन
Compare →

Related Stories

Politics & Governance
Build #2612