चाडपर्वको रौनकसँगै गुल्जार बन्यो सौराहा

भरतपुर, कार्तिक २९ गते । चाडपर्वको रौनकसँगै चितवनको प्रमुख पर्यटकीय गन्तव्य सौराहामा पर्यटकको चहलपहल ह्वात्तै बढेको छ । तिहारको लामो बिदा मनाउन निस्किएका आन्तरिक र अनुकूल मौसमको खोजीमा रहेका विदेशी पर्यटकको आगमनले यतिबेला सौराहा गुल्जार बनेको हो । गर्मी क्रमशः घट्दै जानु र शीतल मौसम सुरु हुनुले जङ्गल सफारी तथा बाहिरी गतिविधि गर्न सहज भएको छ । बिदा र मौसमको यही सुखद संयोगले परिवार तथा साथीभाइसँग घुमफिर गर्ने आन्तरिक तथा बाह्य पर्यटकको रोजाइमा सौराहा परेको पर्यटन व्यवसायीहरूको अनुमान छ ।

रेष्टुरेण्ट तथा बार एशोसियसन (रेवान) सौराहाका अध्यक्ष शम्भु प्रसाद मालीकाअनुसार हाल सौराहामा दैनिक १५ देखि २० हजारको हाराहारीमा पर्यटक भित्रिरहेका छन् । ‘अहिले सौराहा पूरै प्याक छ,’ अध्यक्ष माली भन्नुहुन्छ, ‘सौराहा आउने सबै बास बस्छन् भन्ने त छैन, हात्ती चढ्ने, जङ्गल सफारी गर्ने र खानपान गरेर फर्किनेहरू पनि उत्तिकै छन् । यी सबै गरेर दैनिक १५ देखि २० हजार पर्यटक आइरहेका छन् ।’

Read full story at source ( gorkhapatraonline.com )