२७ कात्तिक, काठमाडौं । नेपाली कम्युनिष्ट पार्टी (नेकपा)का नेता देवेन्द्र पौडेलले राष्ट्रिय मुद्दाहरूमासँगै अगाडि बढ्ने पक्षमा सरकार नदेखिएको आरोप लगाएका छन् ।
शुक्रबार काठमाडौंमा आयोजित एक साक्षात्कारमा नेता पौडेलले देशमा रहेका नागरिक समाज, पत्रकार, बौद्धिक समुदाय, र राजनीतिक दलहरूसँग संवाद गर्ने, छलफल गर्ने, सहकार्य गर्ने तथा राष्ट्रिय मुद्दाहरूमा सँगै अगाडि बढ्ने पक्षमा सरकार नदेखिएको बताएका हुन् ।
सरकार जनताका प्रश्नहरूको जवाफ दिन तयार नदेखिएको समेत उनको भनाइ छ । सरकारको मुख्य काम डेलिभरी दिनु भए पनि त्यसमा सरकार कमजोर देखिएको उनले बताए ।
यसअघिका सरकारले विपक्षी दलहरूसँग सहकार्य गरेर अगाडि बढ्ने गरेको भए पनि वर्तमान सरकारमा त्यो परिपक्वता नदेखिएको समेत उनको भनाइ थियो ।
त्यस्तै, नेता पौडेलले आलोचनामा गालीगलोज र विरोध गर्ने प्रवृत्ति बढेको र यसले असहिष्णुता बढेको धारणा राखेका छन् ।
