सोमपाल कामीको स्थानमा दक्षिण अफ्रिकाका स्टार ब्याटर डेबिड मिलरले कर्णालीको नेतृत्व गर्दै कप्तान परिवर्तन गरेको कर्णाली याक्सले नेपाल प्रिमियर लिग क्रिकेटको बिहीबारको दोस्रो खेलमा लुम्बिनी लायन्सविरुद्ध पहिला ब्याटिङ गर्ने भएको छ ।
काठमाडौँ — सोमपाल कामीको स्थानमा दक्षिण अफ्रिकाका स्टार ब्याटर डेबिड मिलरले कर्णालीको नेतृत्व गर्दै कप्तान परिवर्तन गरेको कर्णाली याक्सले नेपाल प्रिमियर लिग क्रिकेटको बिहीबारको दोस्रो खेलमा लुम्बिनी लायन्सविरुद्ध पहिला ब्याटिङ गर्ने भएको छ ।
कर्णाली याक्सले कप्तान परिवर्तन गर्दै सोमपाल कामीको स्थानमा दक्षिण अफ्रिकाका स्टार ब्याटर डेबिड मिलरलाई नेतृत्वको जिम्मा दिएको छ । मिलरले टस जितेपछि पहिला ब्याटिङ गर्ने निर्णय गरेका हुन् ।
कर्णाली याक्सले अघिल्लो खेल खेलेको टोलीबाट ३ खेलाडी परिवर्तन गरेको छ । सूर्य तामाङ, युवराज खत्री र जिसन आलमको स्थानमा टोलीले विपिन शर्मा, दीपेन्द्र राउत र हुसैन तलातलाई खेलाएको छ । नेपाल यू–१९ का कप्तान विपिन ओमानमा यू–१९ एसिया कप खेलेर बुधबारमात्र काठमान्डु आइपुगेको थिए । पहिलो सिजनमा ट्यालेन्ट हन्टबाट आएका उनी यस सिजनको एनपीएलमा पहिलो खेल खेलिरहेका छन् ।
लुम्बिनी लायन्सले कर्णाली याक्सविरुद्धको खेलमा अघिल्लो खेलमा खेलेको टोलीबाट दुई खेलाडी परिवतर्न गरेको छ । तिलकराज भण्डारीको स्थानमा करण घर्तीमगर र ग्रान्ट स्टेवार्डको स्थानमा सामिम हुसैनलाई खेलाएको छ ।
प्ले अफमा पुग्ने दुबै टोलीलाई यस खेल जित्नै पर्ने दबाब रहेको छ । लुम्बिनी ५ खेलमा ७ अंकसहित तेस्रो र कर्णाली ४ अंकसहित सातौं स्थानमा रहेका छन् ।
विनोद पाण्डे कान्तिपुरका खेलकुद ब्यूरो प्रमुख हुन् ।
