काठमाडौं । भारतको पश्चिम बंगालस्थित कोलकाता र हावडाबीच मालवाहक सवारीसाधनको आवागमन सहज बनाउने उद्देश्यले प्रस्तावित हुग्ली नदीमुनिको सुरुङमार्ग नेपालका लागि विशेष चासोको विषय बनेको छ । करिब ११ हजार करोड भारतीय रुपियाँ (नेपाली १७८ अर्ब रुपियाँ) बराबरको यो परियोजना अघि बढेमा कोलकाता बन्दरगाहले वर्षौंदेखि भोगिरहेको मालवाहक सवारीसाधन निकासको समस्या हट्नेछ ।
यसले बन्दरगाह क्षेत्रबाट हावडा हुँदै राष्ट्रिय राजमार्गसम्म मालसामान पुर्याउने प्रक्रियामा आमूल परिवर्तन ल्याउन सक्छ । नेपालले तेस्रो मुलुकसँगको व्यापारमा समुद्रसम्म पहुँचका लागि भारतका कोलकाता, हल्दिया र विशाखापट्टनम बन्दरगाह प्रयोग गर्दै आएको छ । यीमध्ये सबैभन्दा नजिक पर्ने कोलकाता बन्दरगाह जोगबनीबाट ५१९ किलोमिटर, काँकडभिट्टाबाट ५८६ किलोमिटर र वीरगन्ज नाकाबाट ७१४ किलोमिटर टाढा पर्छ।
Read full story at source ( corporatenepal.com )
