११ कात्तिक, काठमाडौं । नेपाली कांग्रेसको केन्द्रीय सदस्यमा निर्वाचित सुशील भट्टविरुद्ध निर्वाचन समितिमा उजुरी परेको छ ।
भट्ट १५औं महाधिवेशनमा ३५ वर्ष मुनिको केन्द्रीय सदस्यमा निर्वाचित भएका थिए । तर, उनी निर्वाचित हुँदा ३५ वर्ष नाघिसकेको दाबी उजुरीमा छ ।
३५ वर्ष मुनिका युवा महाधिवेशन प्रतिनिधि क्लस्टरबाट उम्मेदवारी दिएका तथा निर्वाचित भएका सबै उम्मेदवारहरूको उमेरसम्बन्धी विवरण आधिकारिक नागरिकता तथा अन्य प्रामाणिक कागजातका आधारमा छानबिन गर्न उजुरीमा माग गरिएको छ ।
सोही क्लस्टरबाट उम्मेदवार बनेका सौगात थापाले निर्वाचन समितिमा उजुरी दिएका हुन् । निर्वाचन समितिले उजुरीबारे हालसम्म कुनै निर्णय गरिसकेको छैन ।
प्रत्येक उम्मेदवारको उमेर मनोनयन दर्ता गर्दाको मितिलाई आधार मानी विधानमा तोकिएको उमेरसम्बन्धी योग्यता पूरा भए–नभएको यकिन गर्नुपर्ने उजुरीमा उल्लेख छ ।
कांग्रेसका निर्वाचित पदाधिकारी र केन्द्रीय सदस्यको शपथ भोलि हुँदैछ ।
यस्तो छ निर्वाचन समितिमा पठाइएको उजुरी–
