अहिले खाना पकाउने एलपी ग्यास सहज रुपमा उपलब्ध हुन सकिरहेको छैन । भारतबाट ग्यास आइरहेको अवस्थामा पनि उपभोक्ताको चुलोसम्म सहज रुपमा ग्यास पुग्न सकिरहेको छैन ।
अहिले ग्यास अभाव हुनुको कारण पहिले आधा ग्यास वितरण गर्दा वितरण चक्रमा असर गरेको भन्दै त्यसैको प्रभाव अहिले पनि बजारमा कायम रहेको नेपाल एलपि ग्यास उद्योग संघका अध्यक्ष दिवान बहादुर चन्द बताउँछन् । उनले अहिले सहज रुपमा दैनि आवश्यक पर्ने ग्यास आइरहेको भए पनि उपभोक्ताले आधा ग्यास पाउँदा खाली भएका सिलिण्डर अहिले भर्न खोज्दा समस्या भएको हो ।
अहिलेको अवस्थामा केही मात्रामा कोटा बढाइयो भने केही छिटो हुन सक्ने भए पनि त्यसो नगरिए सहज हुनका लागि केही समय लाग्ने उनको भनाइ छ । ‘अहिलेकै अवस्था अनुसार वितरण गर्दा यो जाडोसम्म पनि लाग्न सक्छ,’ उनले भने । अहिले उद्योगीहरुले पूर्ण क्षमतामा ग्यास भरेर पठाइरहेको उनको भनाइ छ ।
